Бүгін еліміздің бірқатар өңірінде қар аралас жаңбыр жауады

27 қыркүйекте республиканың басым бөлігінде құбылмалы ауа райы сақталады. Фронталды бөліктердің әсерінен жаңбыр жауады, батыста қатты жаңбыр күтіледі.

Елдің солтүстігінде, солтүстік-батысында жауын-шашын жаңбыр мен қар түрінде болады. Республиканың барлық аумағында күшті жел тұрады, оңтүстікте шаңды дауыл көтеріліп, оңтүстікте, батыста найзағай болжанады. Бұл туралы Қазгидромет хабарлады.

Атап айтқанда, Солтүстік Қазақстан облысында желдің екпіні 23-28 м/с артады.

Ақмола облысында желдің күші 15-20 м/с құрайды, күндіз облыстың солтүстігінде екпіні 23-28 м/с жетеді.

Түркістан облысында желдің жылдамдығы 15-20 м/с болады, таулы аудандарда екпіні 25 м/с күшейеді. Өңірдің солтүстігінде, батысында шаңды дауыл тұрады.

Қызылорда облысының басым бөлігінде, күндіз солтүстігінде найзағай күтіледі, 15-20 м/с екпіндегі желдің жылдамдығы 23 м/с артады.

Қарағанды облысының солтүстігінде, орталығында желдің күші 15-20 м/с құрайды. Күндіз басым бөлігінде 15-20 м/с болады, екпіні 23 м/с күшейеді.

Батыс Қазақстан облысының солтүстік-шығысында найзағай күтіледі, күндіз облыстың оңтүстік-батысында жел 15-20 м/с артады.

Ақтөбе облысының батысында, оңтүстігінде найзағай болжанады. Күндіз оңтүстікте жел 15-20 м/с күшейеді.

Атырау облысының оңтүстігінде, күндіз басым бөлігінде жел 15-20 м/с жетеді.

Жамбыл облысының батысында, оңтүстік-батысында, шығысында, оңтүстік-шығысында 15-20 м/с екпіндегі желдің күші 23-28 м/с күшейеді.

Алматы облысында таңертең және күндіз жел 17-22 м/с артады.

Маңғыстау облысының солтүстігінде, Қостанай облысының оңтүстігінде және солтүстігінде, Шығыс Қазақстан облысының солтүстік-шығысында, Павлодар облысының күндіз оңтүстігінде, батысында 15-20 м/с жел күшейеді.

Back to top button