Коронавирус: Павлодарда 5 жасар баладан нигериялық штамм анықталды

Павлодар облысында 5 жастағы баладан коронавирустың нигериялық Eta штамы анықталды. Бұл туралы брифингте Павлодар облысының бас дәрігері Айдар Сейітқазинов мәлімдеді, – деп жазды Tengrinews.kz.

«Павлодарда бір отбасындағы баладан сараптама алынды. Мұндай жағдайда таңдап бір адамнан сараптама алынады. 2016 жылы туған баладан коронавирустың нигериялық Eta штамы анықталды. Ол отбасының барлық мүшесі бұл штаммен ауырып, жазылып шыққан», – деді деді Айдар Сейітқазинов.

Басқарма басшысының айтуынша, бұл жағдай тамыз айында болған. Қазір баланың жағдайы жақсы, отбасы мүшелері өздерін жақсы сезінеді.

«Ол кезде Алматыға 5 сараптама жіберілді. Оның біреуінен нигериялық штамм, үшеуінен Дельта штамы анықталды», – деді Айдар Сейітқазинов.

Бала «нигериялық» штамды жұқтыруы мүмкін болған жерлерді дәрігерлер анықтап жатыр. Қазіргі уақытта баланың жағдайы қанағаттанарлық», – деді Ситқазинов.

Еске салайық, 21 қыркүйекте денсаулық сақтау министрі Алексей Цой Қазақстан аумағынан нигериялық Eta штамы анықталғанын хабарлады. Eta штамы туралы былтыр желтоқсанда белгілі болды, вирус жұқтырған науқастар алғаш Нигерия мен Ұлыбританияда тіркелді.

Back to top button