Ресейде сайлау қорытындысы белгілі болды

«Единая Россия» партиясы Ресей Федерациясы Федералды Жиналысының Мемлекеттік Думасына сайлауда жеңіске жетті, деп хабарлайды РИА Новости.

«Единая Россия» Мемлекеттік Думадағы сайлауда 49,82 пайыз көрсеткішпен жеңіске жетті.

Айта кету керек, сайлау қорытындысы халықаралық ұйымдар тарапынан сынға ұшырады. Еуропалық Одақтың Жоғарғы өкілі Хосеп Боррелдің мәлімдемесінде Ресейдегі сайлаушыларға өз құқығын жүзеге асыруға рұқсат берілмегені айтылған. Онда сайлау қарсаңында оппозициялық саясаткерлерге, азаматтық қоғам ұйымдарына және тәуелсіз БАҚ-қа, сондай-ақ журналистерге қарсы шаралардың қысымының өскені атап өтілді.

Ұлыбританияның Сыртқы істер министрлігі сонымен бірге Ресейдің сайлауды бақылауға, оның ішінде халықаралық бақылаушыларға енгізген негізсіз шектеулеріне көңілі толмайтынын айтты, бұл олардың пікірінше демократиялық бақылаудың негізгі элементі саналады.

АҚШ Мемлекеттік департаменті сайлауда халықаралық міндеттемелер сақталмады деп мәлімдеді.

Ведомство Ресей үкіметінің шектеулері Еуропадағы қауіпсіздік және Ынтымақтастық Ұйымының (ЕҚЫҰ) Демократиялық институттар мен адам құқықтары жөніндегі бюросына және оның Парламенттік Ассамблеясына әділ сайлау үшін қажет ашықтықты шектей отырып, сайлауды бақылауға мүмкіндік бермеді деп атап өтті.

Back to top button