«Кімге өкпелі?». Қазақстандық спортшылар Альберт Линдердің өлімінен кейін медальдарын қоқысқа тастады

Қазақстандық ауыр атлеттер Михаил Макеев пен Фархат Самарханов әріптесі, 25 жастағы Альберт Линдердің қайғылы қазасына байланысты видео үндеу жасады. Бұл туралы Sports.kz басылымына сілтеме жасап Stan.kz жазды.

Линердің көз жұмуы жайлы жақында белгілі болды. Спортшы өзін-өзі өлтірген болуы мүмкін. Ол жасөспірімдер арасында әлем чемпионы, Азия чемпионы, Универсиаданың жеңімпазы және рекордсмені, Қазақстанның бірнеше дүркін чемпионы болды.

«Менің атым Макеев Михаил. Альберт Линдердің қазасынан кейін мен бір нәрсені түсіндім, жылдар бойы қан мен теріммен тапқан медальдар маған енді қажет емес. Мен өз халқым үшін емес, басқа адамдардың пайдасы үшін жаттығып, жарыстарға қатысқандықтан, маған енді олар қажет емес», — деді Макеев медальдарды қоқыс жәшігіне лақтырып.

Тағы бір спортшы Самарханов та өзінің ойын видеода ашық білдірді.

«Баршаңызға Ассалаумағалейкүм! Мен бұл видеоны ауыр атлетикаға қатысы бар барлық адамға және қарапайым халыққа жеткізгім келеді. Біздің жағдайымызға спорт әлемінде, ауыр атлетика әлемінде, атап айтқанда Альберт Линдердің қайтыс болуына… Мен оның есімін еске алу үшін бір ауыз сөз айтқым келеді. Жас кезімізде біз үлкен биіктерге қол жеткізгіміз келді, бірақ барлық жағынан бізге кедергі көп болды. Ал Альбертпен болған жағдайға келсек, оның жағдайында оның өміріне балта шабылды”, – деді ол.

Спортшы өскелең ұрпаққа да спорттағы қиындықтар жайлы пікірін арнайы білдіріп өтті.

“Бізге жаттықтырушылар: «Орныңды баса алмайтын адам болмайды. Сен кетсең, басқасы келеді» деп айтқан болаты. Сондықтан сендерді де бір күні өзгелер алмастырады. Ал бұл медальдар маған енді керек емес. Олар менің қабырғама ілініп, шаң жинап, өмірімнің бос кеткен жылдарын еске түсіруінің мағынасы жоқ», –  деді Самарханов.

 

View this post on Instagram

 

A post shared by SPORTS.KZ (@kzsports)

Айта кетсек, 25 жастағы дарынды спортшы, ауыр атлет Альберт Линдер көз жұмған болатын. Ол өзіне қол жұмсаған. Алматы облысының полиция департаменті ҚР ҚК-ның 105-бабы («Өзін-өзі өлтіруге дейін жеткізу») бойынша соталды тергеу басталғанын хабарлаған.

Back to top button