Фермерді атып өлтірген күдікті қамауға алынды

Атырау облысында фермерді атып өлтірген күдікті қамауға алынды.

Облыстық полиция департаменті баспасөз қызметінің ақпаратына сүйенсек, қайғылы оқиға Исатай ауданында орын алған.

«Зинеден ауылының екі тұрғыны арасында өзара келіспеушілік болған. Ашуға бой алдырған 42 жастағы тұрғын аңшылық қарудан ауылдасына оқ атқан. 48 жастағы фермер оқиға орнында көз жұмған», -деп хабарлады департаменттің баспасөз қызметі.

Қазір ауылдасын атып өлтірген тұрғын уақытша ұстау изоляторына қамауға алынды. Оған қатысты ҚР Қылмыстық Кодексінің 99-бабымен сотқа дейінгі тергеу басталды.

 

Back to top button