Жаңалықтар

Балқашта педофилді азаптаған 4 полицейге үкім шықты

Балқашта педофилді азаптаған 4 полицейге үкім шықты. Олар 9 және 10 жылға сотталып, атақтарынан айырылды, деп хабарлайды ҚазАқпарат.

Балқаш қалалық сотында жергілікті криминалдық полиция бастығы мен оның үш қызметкеріне қатысты үкім шығарылды. Олар ҚР ҚК 146-бабының 3-бөлігі «жәбірленушінің денсаулығына ауыр зиян келтірген азаптаулар» бойынша айыпталды.

Жәбірленуші педофилия бойынша сотталған Балқаштың 44 жастағы тұрғыны. Тергеу мәліметтері бойынша, ол 2019 жылғы қазанда тәртіп сақшылары тарапынан зәбір көрген.

«Барлық 4 сотталушының кінәсі толығымен дәлелденді. Ол іс бойынша жиналған дәлелдемелермен, жүргізілген сараптамалардың нәтижелерімен және жәбірленушінің айғақтарымен расталады. Сот екі сотталушыны 9 жылға, тағы екеуін 10 жылға бас бостандығынан айырды. Олар жазасын орташа қауіпсіздік колонияларында өтейді. Сондай – ақ олар үш жыл мерзімге мемлекеттік қызметте жұмыс істеу құқығынан және отставкадағы полиция подполковнигі, майор, аға лейтенант және полиция лейтенанты арнаулы атақтарынан айырылды», – деп үкім шығарды судья Бахтияр Аханов.

Сотталғандар өз кінәсін мойындамады. Үкім жарияланғаннан кейін олар онымен келіспейтіндерін мәлімдеді.

Back to top button