Солтүстік Қазақстан облысында полицейлер "Камазбен" астық ұрламақ болған 3 ауыл тұрғынын ұстады.
Полиция департаменті баспасөз қызметінің мәліметінше, жүргізушілер сол жерде, ал жүк көлігінің иесі келесі күні ұсталған.
Олар 10 тоннадан астам бидайды әкетпек болған. Шығын - 1,5 млн теңге. Қазір сотқа дейінгі тергеу жүріп жатыр. 51, 42 және 26 жастағы Айыртау ауданының тұрғындары уақытша изоляторға қамалды, — деп хабарлады ПД баспасөз қызметі.
