پاكىستان بيلىگى National Geographic مۇقاباسىنداعى اۋعان قىزىن بوساتادى

پاكىستان بيلىگى National Geographic مۇقاباسىندا شىعىپ، بۇكىل الەمگە تانىلعان اۋعان قىزىن كەپىلاقىمەن بوساتادى، – دەپ حابارلايدى BBC. ول ءبىر اپتا بۇرىن قامالعان بولاتىن.

پاكىستان پوليتسياسى گۋلانى ەلدە قولدان جاسالعان قۇجاتپەن تۇرىپ جاتىر دەپ ايىپتادى. ال ءوزى بۇل ايىپپەن كەلىسپەيدى. پاكىستان ءىىم باسشىسى چاۋديري نيساردىڭ ايتۋىنشا، گۋلا ادامگەرشىلىك نيەتكە بايلانىستى بوساتىلادى ەكەن. الايدا وعان قاتىستى قوزعالعان ءىس توقتاتىلمايدى، سەبەبى بۇل ىسكە بىرنەشە شەنەۋنىكتىڭ قاتىسى بار دەگەن كۇدىك تۋعان.

شاربات گۋلا 1985 جىلى بۇكىل الەمگە تانىلعان ەدى. ستيۆەن ماككارريدىڭ پاكىستانداعى اۋعان بوسقىندارىنىڭ لاگەرىندە تۇسىرگەن سۋرەتى National Geographic مۇقاباسىندا جاريالانعان بولاتىن.
سۋرەتتەگى قىزدىڭ ەسىمى كوپ ۋاقىت بويى بەلگىسىز بولىپ كەلدى، ونى «اۋعان قىزى» نەمەسە «اۋعان مونا ليزاسى» دەپ تاعان. فوتوگراف پەن تىلشىلەر كومانداسى ونى 2002 جىلى بىراق تاپقان. ونىڭ قايدا تۇرىپ جاتقانى ايتىلماعان ەدى، تەك اۋعانستان-پاكىستان شەكاراسىندا ەكەنى حابارلانعان.

 

ۇقساس جاڭالىقتار

Back to top button