Кентауда 600 отбасыға баспана кілті табысталды

Кентау қаласында 600 азаматқа жалдамалы пәтер кілті табысталды.

Оның ішінде жетім және ата-анасының қамқорынсыз қалған балаларға – 109 пәтер, көпбалалы отбасыларға – 106 пәтер, халықтың әлеуметтік әлсіз топтары санаты бойынша – 227 пәтер, мемлекеттік қызметшілерге – 139 пәтер, авариялық жағдайда деп танылатын азаматтарға 4 пәтер қаралған.

97ab1069 0db2 4c8f bb1e d865b33bbf16

Жалдамалы баспанамен қамтылғандардың қатарында қала тұрғыны Қалампыр Тулеубекова да бар. 2015 жылы көпбалалы отбасылар санаты бойынша үй кезегіне тіркелген. Қала тұрғыны осы уақытқа дейін тұрғын үй кезегін үнемі EGOV электрондық порталы арқылы бақылап отырған. Көпбалалы ана 6 жылға жуық уақыт бойы тұрғын үй кезегін күткен. Бүгінде жалдамалы баспанаға қол жеткізген отбасының қуанышында шек жоқ.

cb53faf4 18fb 4bdb 96a9 f793ad4ee8cd

Дәл осы секілді қаншама қала тұрғындары көптен күткен тұрғын үйіне қолы жетіп, қуанышқа кенелуде.

«Nur Otan» партиясының «Өзгерістер жолы: Әр азаматқа лайықты өмір!» атты сайлауалды бағдарламасында 2025 жылға дейін Кентау қаласында 3600 отбасыны баспанамен қамту көзделген. Бүгінде осы Жол картасы бойынша жұмыс жүріп жатыр.

Айта кетейік, қазіргі таңда Кентау қаласында 5 қабатты 60 пәтерлі 5 үйдің құрылысы басталды. Оған қоса 10 үйдің құрылысын салуға жобалық-сметалық құжаттамасы әзірленген.

Back to top button