Көлік ұрлаумен айналысқан 17 қылмыстық топ ұсталды

Көлік ұрлаумен айналысқан 17 қылмыстық топ ұсталды

Көлік ұрлаумен айналысқан 17 қылмыстық топ ұсталды
ашық дереккөзі
Жыл басынан бері көлік ұрлаумен айналысқан 17 қылмыстық топ әшкереленді. ҚР ІІМ Криминалдық полиция департаменті бастығының орынбасары Қанат Нұрмағамбетов мәліметінше, қабылданған іс-шаралардың нәтижесінде биыл көлік ұрлығының 13,3, ал көлікті айдап кету қылмыстарының 17,8 пайызға төмендегені байқалады. «Жыл басынан бері автокөлік ұрланғаны үшін 749 адам, оның ішінде 17 қылмыстық топ ұсталды», - деді Қанат Нұрмағамбетов. Осы ретте полиция өкілі көлік иелеріне қарапайым қауіпсіздік нормаларын сақтауға кеңес береді. Яғни, көлік есігін ашық қалдырмау, түнде көлікті гаражға немесе күзетілетін автотұраққа қою, ұрлыққа қарсы дабыл жүйесін орнату, көлік ішінде бағалы заттар мен құжаттар қалдырмау, жеке тұлғадан автомобиль сатып алған кезде құқық белгілеуші құжаттарын беруді талап ету қажет.