Жамбыл облысында ислам діни бірлестігінің ғимараты өртенді

Жамбыл облысында ислам діни бірлестігінің ғимараты өртенді

Жамбыл облысында ислам діни бірлестігінің ғимараты өртенді
ашық дереккөзі
Жамбыл облысының Т.Рысқұлов ауданындағы ислам діни бірлестігінің ғимараты өртенді. Oблыстық ТЖД мәліметінше, 20 тамыз күні сағат 17: 38-де ТЖД кезекші қызметіне Т.Рысқұлов ауданының Жарлысу ауылындағы өрт туралы ақпарат келіп түсті. Қазақстан мұсылмандары діни басқармасы республикалық ислам діни бірлестігі филиалының 1 қабатты ғимаратындағы өрт жөндеу жүргізіп жатқан кезде шыққан. ТЖД мәліметінше, өрт аумағы 90 шаршы метрді шарпыған. Ғимараттың қабырғалары рама, шатыры мембрана жабыннан жасалғаны белгілі болды. Өрт сағат 18.53-те ауыздықталып, 19.20-да сөндірілді. Оқыс оқиғадан ешкім зардап шекпеді. Өрт сөндірушілердің болжамынша, отты абайсыз қолданудан нысан өртеніп кеткен.