Қапшағайда күзетшілерді ұрған полицейлер қамалды

Қапшағайда күзетшілерді ұрған полицейлер қамалды

Қапшағайда күзетшілерді ұрған полицейлер қамалды
ашық дереккөзі
Қапшағайда кафенің екі күзетшісін ұрған полицейлер уақытша ұстау изоляторына қамалды. «Бейнежазбада күзетшілерді ұрып жатқан полиция қызметкерлері екені көрініп тұр. Бірден ол адамдар ішкі істер органынан жұмыстан шығарылды. Кафенің барлық адамдарынан түсініктеме алынды. Олар да полицейлердің тарапынан бұзақылық әрекеті болғанын растап берді. Екі күзетшіден бұзақыларды қылмыстық жауапқа тарту жөнінде арыз түсті. Біз өз ұстанымымызда қаламыз, заңды бұзғандар жауапқа тартылады. Барлық тәртіп бұзған полицейлер заң алдында жауап береді. Кеше олар ұсталып, уақытша ұстау изоляторына қамалды», - деді Алматы облыстық полиция департаментінің бастығы Серік Күдебаев Instagram желісінде тұрғындармен жүргізілген тікелей эфир барысында. Естеріңізге сала кетейік, бүған дейін әлеуметтік желілерде Қапшағай қаласының полицейлері ішімдік ішіп алып, кафенің күзетшілерін ұрды делінген жазба тараған болатын. Жанжалдың туындауына күзетшінің демалушыларға демалыс орнының жабылатынын айтып, бірнеше рет ескерту жасағаны себеп болған. Бұл жайт тәртіп сақшыларына ұнамағанға ұқсайды.