Алматы қалалық Полиция департаментінің мәліметінше, Алатау ауданына қарасты «Әйгерім» ықшамауданындағы үйлердің бірінде 76 жастағы зейнеткер немересімен бірге қарасора және марихуана өсіргені анықталды. «Г.есімді әйелдің тұрғылықты жері бойынша жедел-іздестіру шараларын жүргізу барысында жасыл түсті, ерекше иісі бар өсімдік тектес 117 бұта табылды және тәркіленді. Сот-медициналық сараптама қорытындысына сәйкес, тәркіленген есірткі – кептірілмеген марихуана болып шықты, оның жалпы салмағы 6 келі 680 грамм», – деді Алматы қалалық Полиция департаментінің Есірткі қылмысына қарсы күрес басқармасы бастығының орынбасары Сағындық Аяғанов. Оның айтуынша, қазіргі уақытта Алатау аудандық полиция басқармасында күдіктіге қатысты ҚР ҚК-нің 300-бабы 1-бөлігі бойынша сотқа дейінгі тергеу жүргізіліп жатыр.
Жүктелуде...