Түркістанда елде жоқ туристік орталық салынады

Түркістанда елде жоқ туристік орталық салынады

Түркістанда жағажай туризмі дамиды. Шаһарда  елімізде баламасы жоқ жасанды көлі бар заманауи демалыс аумағы ашылады, деп хабарлайды облыс әкімінің баспасөз қызметі. 

Жалпы ауданы 85 га. жерде орналасатын ерекше кешеннің құрылысы үш кезеңде жүзеге асады. Мұндағы жасанды көлдің сыйымдылығы – 2,5 млн.м3. Көл суы «Кеңсай-Қосқорған»-2 су реттегішінен жиналады. Жаңа демалыс аймағы өңірге туристер мен инвестицияларды тартатын тағы бір орталыққа айналмақ. Облыс әкімі Өмірзақ Шөкеев орталық құрылысының барысымен танысты. Қазір мұнда қазу жұмыстары жүргізіліп, дамбалар тұрғызылған. Су келетін жалпы ұзындығы 550 м каналдың жер жұмыстары, бетон құю жұмыстары аяқталған. Жағалау толық бекітіліп, топырағы нығыздалған. Құрылысқа 15 техника мен 70 жұмысшы жұмылдырылған. Нысан құрылысының алғақшы кезеңін қазан айында аяқтау жоспарлануда. Бірегей демалыс кешені келер жылы ашылады.