Атырауда лифт шахтасына құлап кеткен жігіттің жағдайы ауыр

Атырауда лифт шахтасына құлап ауруханаға түскен жігіттің жағдайы ауыр.

Кеше сағат 10:00 шамасында Атырауда көпқабатты үйде лифт құлап, бір адам мерт болған еді. Тұрғын үйдегі лифтіні бөлшектеу кезінде екі қызметкер лифт шахтасына құлап кеткен. Оқиға орнында 40 жастағы адам көз жұмды. Кейіннен лифтінің 15-қабаттан құлағаны анықталды.

Облыстық денсаулық сақтау басқармасының мәліметінше, 1987 жылы туған жігіт көптеген жарақатпен ауруханаға түскен.

«Кеше облыстық ауруханаға жатқызылған 34 жастағы жігітке ота жасалды. Қазір оның жағдайы тұрақты ауыр деп бағаланып отыр. Ол аурухананың жансақтау бөлімінде жатыр. Оны дәрігерлер тұрақты бақылауына алды», – деп хабарлады басқарманың баспасөз қызметінен.

Back to top button