Қостанай облысындағы «Қара бүркіт» колониясының жанында өрт шықты

Қостанай облысында «Қара бүркіт» колониясының жанында қатты ыстық ауа райына байланысты құрғақ шөп өртенді, – деп хабарлады Қостанай облысы бойынша қылмыстық-атқару жүйесі департаменті.

Ведомствоның хабарлауынша, өртті қызметкерлер байқап, бірден сөндіруге кіріскен. Төрт сағаттың ішінде өрт толық оқшауланып, колонияның жеке құрамы өрт сөндіру автокөлігіндегі су қорын тез толтырып отыруға көмектесті.

«Ашық жалын азық-түлік қоймасына қарай өтіп кетпес үшін мекеме басшылығы ТЖД қызметкерлеріне көмек көрсету туралы шешім қабылдады. Кезекші ауысымдағы барлық күшті жұмылдырдық», – деді УК161-3 мекемесі бастығының міндетін атқарушы Асхат Баламбаев.

Өрт сөндірушілер колонияның жеке құрамын батыл және жедел әрекет еткені үшін алғыс білдірді.

«Қара бүркіт» – (ресми атауы – УК-161/3 мекемесі) Қазақстанның Қостанай облысындағы төтенше қауіпсіздік мекемесі, Жетіқара қаласынан 25 шықырым жерде орналасқан. Онда аса ауыр қылмыскерлер, атап айтқанда өмір бойы бас бостандығынан айырылғандар жазасын өтейді.

Back to top button