«Жалғыз емес екенбіз»: теракт кезінде қаза тапқан полицейдің әйелі алғыс айтты

«Жалғыз емес екенбіз»: теракт кезінде қаза тапқан полицейдің әйелі алғыс айтты

«Жалғыз емес екенбіз»: теракт кезінде қаза тапқан полицейдің әйелі алғыс айтты
ашық дереккөзі
«Nur Otan» партиясы Төрағасының Бірінші орынбасары Бауыржан Байбек Алматыда азаматтарды қабылдады. Ол 2016 жылы оңтүстік шаһарда орын алған теракт кезінде қаза тапқан полицей Аян Ғалиевтің отбасымен және 10 бала тәрбиелеп отырған көпбалалы жалғызбасты анамен кездесті, - деп хабарлайды Turkystan.kz сайты «AstanaTV» телеарнасына сілтеме жасап. 5 жыл бұрын алматылық полицей Аян Ғалиевтің отбасы асыраушысынан айырылды. Полиция қызметкері террористтің қолынан қаза тапты. Марқұмның жұбайы мен екі баласына Тұңғыш Президент Нұрсұлтан Назарбаевтың атынан сол кездегі қала әкімі Бауыржан Байбек пәтер кілтін табыстаған болатын. Жаңа қоныс иелерінің тұрғын үйге алаңсыз жайғасуы үшін жөндеу жұмысына да көмек берілді. Nur Otan   «Содан бері мемлекеттің ғана емес, барша қазақстандықтардың қолдауын сезініп келеміз», - дейді полиция қызметкерінің жесірі Анар Асанова партия Төрағасының бірінші орынбасарымен кездесу барысында. «Бұл трагедия болған кезде балаларым үшін, олардың болашағы үшін қатты алаңдадым. Өйткені,  асыраушымыздан айрылып қалдық. Бірақ жалғыз емес екенбіз. Бізге мемлекет, Елбасы ауқымды көмек пен қолдау көрсетті. Бізге сыйға берілген пәтер үшін, ерекше назар аударғандары үшін алғысым шексіз. Жұбайымның өзі өмірден өтсе де, ол бізге мемлекеттің атынан әлі де көмек беріп жатыр», - деді Анар Асанова. Nur Otan Бауыржан Байбек көпбалалы ана Айнұр Арғынбековамен де кездесті. Күйеуі қайтыс болған соң 10 баласымен қалған келіншек небір қиын күндерді бастан өткергенін айтты. Қаражаттың тапшылығынан өлместің күнін кешіп, үй-күйсіз жүргенде мемлекет көмек қолын созған. Меценаттардың қолдауымен жалғызбасы ана Алматыдан үш бөлмелі пәтер алды. «4 жыл бұрын Елбасы атынан Бауыржан Қыдырғалиұлының қолынан пәтер кілтін алдық. Бүгін ол бізді тағы да кездесуге шақырып, хал-жағдайымызды сұрап жатыр. Осындай қамқорлығы үшін рахмет айтамын. Егер мемлекет болмаса, тіпті не істерімді білмес едім», - деді Айнур Аргынбекова. Nur Otan Өз кезегінде «Nur Otan» Төрағасының бірінші орынбасары Бауыржан Байбек азаматтарды қабылдау барысында бүгінде Елбасы, партия Лидері Нұрсұлтан Назарбаев пен Мемлекет басшысы Қасым-Жомарт Тоқаевтың тапсырмасы бойынша әлеуметтік осал топтарға, көпбалалы отбасыларға да ерекше көңіл бөлінетінін атап өтті. «Бақытты отбасы» бағдарламасы қарқынды іске асырылуда. Бұл мәселеден «Nur Otan» партиясының мүшелері де шетте қалмайды. Жыл басынан бері партияның қоғамдық қабылдаулары 14 мыңнан астам қабылдау өткізіп, 74 мың қазақстандықтың мұң-мұқтажын тыңдады. Өтініштердің 96%-ы оң шешімін тауып, консультативтік, құқықтық және өзге де көмек көрсетілді. Қалған 4% орындалу үстінде. Жалпы, соңғы 2 жылда партия мүшелері жарты миллионнан астам өтініш қабылдады. Олардың 74% интернет арқылы жолданған», - делінген сюжетте. https://www.youtube.com/watch?v=ozwfhB6BxHo&ab_channel=%D0%A2%D0%B5%D0%BB%D0%B5%D0%BA%D0%B0%D0%BD%D0%B0%D0%BB%D0%90%D1%81%D1%82%D0%B0%D0%BD%D0%B0%2FAstanaTV