«جالعىز ەمەس ەكەنبىز»: تەراكت كەزىندە قازا تاپقان پوليتسەيدىڭ ايەلى العىس ايتتى

«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك الماتىدا ازاماتتاردى قابىلدادى. ول 2016 جىلى وڭتۇستىك شاھاردا ورىن العان تەراكت كەزىندە قازا تاپقان پوليتسەي ايان عاليەۆتىڭ وتباسىمەن جانە 10 بالا تاربيەلەپ وتىرعان كوپبالالى جالعىزباستى انامەن كەزدەستى، – دەپ حابارلايدى Turkystan.kz سايتى «AstanaTV» تەلەارناسىنا سىلتەمە جاساپ.

5 جىل بۇرىن الماتىلىق پوليتسەي ايان عاليەۆتىڭ وتباسى اسىراۋشىسىنان ايىرىلدى. پوليتسيا قىزمەتكەرى تەرروريستتىڭ قولىنان قازا تاپتى. مارقۇمنىڭ جۇبايى مەن ەكى بالاسىنا تۇڭعىش پرەزيدەنت نۇرسۇلتان نازارباەۆتىڭ اتىنان سول كەزدەگى قالا اكىمى باۋىرجان بايبەك پاتەر كىلتىن تابىستاعان بولاتىن. جاڭا قونىس يەلەرىنىڭ تۇرعىن ۇيگە الاڭسىز جايعاسۋى ءۇشىن جوندەۋ جۇمىسىنا دا كومەك بەرىلدى.

Nur Otan

 

«سودان بەرى مەملەكەتتىڭ عانا ەمەس، بارشا قازاقستاندىقتاردىڭ قولداۋىن سەزىنىپ كەلەمىز»، – دەيدى پوليتسيا قىزمەتكەرىنىڭ جەسىرى انار اسانوۆا پارتيا توراعاسىنىڭ ءبىرىنشى ورىنباسارىمەن كەزدەسۋ بارىسىندا.

«بۇل تراگەديا بولعان كەزدە بالالارىم ءۇشىن، ولاردىڭ بولاشاعى ءۇشىن قاتتى الاڭدادىم. ويتكەنى،  اسىراۋشىمىزدان ايرىلىپ قالدىق. بىراق جالعىز ەمەس ەكەنبىز. بىزگە مەملەكەت، ەلباسى اۋقىمدى كومەك پەن قولداۋ كورسەتتى. بىزگە سىيعا بەرىلگەن پاتەر ءۇشىن، ەرەكشە نازار اۋدارعاندارى ءۇشىن العىسىم شەكسىز. جۇبايىمنىڭ ءوزى ومىردەن وتسە دە، ول بىزگە مەملەكەتتىڭ اتىنان ءالى دە كومەك بەرىپ جاتىر»، – دەدى انار اسانوۆا.

Nur Otan

باۋىرجان بايبەك كوپبالالى انا اينۇر ارعىنبەكوۆامەن دە كەزدەستى. كۇيەۋى قايتىس بولعان سوڭ 10 بالاسىمەن قالعان كەلىنشەك نەبىر قيىن كۇندەردى باستان وتكەرگەنىن ايتتى. قاراجاتتىڭ تاپشىلىعىنان ولمەستىڭ كۇنىن كەشىپ، ءۇي-كۇيسىز جۇرگەندە مەملەكەت كومەك قولىن سوزعان. مەتسەناتتاردىڭ قولداۋىمەن جالعىزباسى انا الماتىدان ءۇش بولمەلى پاتەر الدى.

«4 جىل بۇرىن ەلباسى اتىنان باۋىرجان قىدىرعالي ۇلىنىڭ قولىنان پاتەر كىلتىن الدىق. بۇگىن ول ءبىزدى تاعى دا كەزدەسۋگە شاقىرىپ، حال-جاعدايىمىزدى سۇراپ جاتىر. وسىنداي قامقورلىعى ءۇشىن راحمەت ايتامىن. ەگەر مەملەكەت بولماسا، ءتىپتى نە ىستەرىمدى بىلمەس ەدىم»، – دەدى اينۋر ارگىنبەكوۆا.

Nur Otan

ءوز كەزەگىندە «Nur Otan» توراعاسىنىڭ ءبىرىنشى ورىنباسارى باۋىرجان بايبەك ازاماتتاردى قابىلداۋ بارىسىندا بۇگىندە ەلباسى، پارتيا ليدەرى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆتىڭ تاپسىرماسى بويىنشا الەۋمەتتىك وسال توپتارعا، كوپبالالى وتباسىلارعا دا ەرەكشە كوڭىل بولىنەتىنىن اتاپ ءوتتى.

«باقىتتى وتباسى» باعدارلاماسى قارقىندى ىسكە اسىرىلۋدا.

بۇل ماسەلەدەن «Nur Otan» پارتياسىنىڭ مۇشەلەرى دە شەتتە قالمايدى. جىل باسىنان بەرى پارتيانىڭ قوعامدىق قابىلداۋلارى 14 مىڭنان استام قابىلداۋ وتكىزىپ، 74 مىڭ قازاقستاندىقتىڭ مۇڭ-مۇقتاجىن تىڭدادى. وتىنىشتەردىڭ 96%-ى وڭ شەشىمىن تاۋىپ، كونسۋلتاتيۆتىك، قۇقىقتىق جانە وزگە دە كومەك كورسەتىلدى. قالعان 4% ورىندالۋ ۇستىندە. جالپى، سوڭعى 2 جىلدا پارتيا مۇشەلەرى جارتى ميلليوننان استام ءوتىنىش قابىلدادى. ولاردىڭ 74% ينتەرنەت ارقىلى جولدانعان»، – دەلىنگەن سيۋجەتتە.

ۇقساس جاڭالىقتار

Back to top button