حاكۋحو: مەن بۇل باشيوداعى جەڭىسىمدى ءتاڭىردىڭ قۇزىرىنا قايتقان اكەمە ارنايمىن

بۇگىن ناگويا باشيونىڭ (شىلدە چەمپيوناتىنىڭ) فينالى. بۇل  باشيودا يوكۋزونا (چەمپيون) حاكۋحو (م.داۆااجارگال) 14:0، وزەكي (ارىستان) تەرۋنوفۋجي (گ.گان-ەردەنە) 14:0  جەڭىسىمەن كوش باستاپ تۇر. بۇگىنگى كەزدەسۋ جەڭىمپازدىڭ كىم بولاتىنىن انىقتايدى. جانە بۇل باشيودا جەڭىمپاز بولعان سۋمو بالۋانى توكيو وليمپياداسىنىڭ اشىلۋ سالتاناتىندا وليمپيادا جالاۋىن كوتەرىپ شىعادى.

وسىعان وراي، سۋمو كۇرەسىنىڭ حاس شەبەرى، 44 رەت يمپەراتوردىڭ كۋبوگىن جەڭىپ العان حاكۋحو (موڭعول بالۋانى م.داۆااجارگال) جاپونيانىڭ NHK تەلەارناسىنا بەرگەن سۇحباتىندا:

– جاراقاتىما بايلانىستى التى باشيوعا قاتىسا المادىم. بيىل ەكى رەت تىزەمە وتا جاساتتىم. تىزەدەگى اۋىر جاراقات جاقسارمادى، كۇن سايىن تىزەمە سارىسۋ جينالىپ قالدى. كوپ ەمدەلدىم. سوندىقتان كۇن سايىن جارتى كەسە شاراپ ءىشىپ وتىردىم. شىندىعىندا 15 جىلدا 44 رەت يمپەراتوردىڭ كۋبوگىن جەڭىپ العاننان كەيىن، مەندە قايتادان جەڭىسكە دەگەن جىگەر جانە دوحيوعا شىعۋعا دەگەن قۇلشىنىس ازايعان ەدى. بۇل جولى تەك ءبىر عانا ماقساتپەن كۇرەستىم. ول – توكيو وليمپياداسىنىڭ اشىلۋ سالتاناتىندا وليمپيادا جالاۋىن كوتەرۋ ەدى.

ۇلكەن سپورتپەن وسىلاي ارمانسىز قوشتاسقىم كەلەدى. مەن بۇل سايىستى جىلدار بويى اسىعا كۇتتىم. سونىمەن جاراقات العانىما قاراماستان سايىسقا شىقتىم. الدا وليمپيادا ايى. مەنىڭ اكەم موڭعولدىڭ داڭقتى بالۋانى ج.ءمونحبات كەزىندە 1968 جىلى مەحيكو وليمپياداسىندا كۇمىس مەدال جەڭىپ العان جانە 1964 جىلى توكيو وليمپياداسىندا موڭعوليا تۋىن العاش كوتەرىپ شىققان ەدى. اكەم وليمپياداعا قاتىسىپ، موڭعوليا تۋىن وليمپيادا اسپانىندا كوتەردى.

مەن وليمپياداعا قاتىسقام جوق. بىراق وليمپيادا تۋىن كوتەرۋ – مەن ءۇشىن وليمپياداعا قاتىسقانمەن بىردەي، –  دەدى ول.

حاكۋحو: مەن بۇل باشيوداعى جەڭىسىمدى ءتاڭىردىڭ قۇزىرىنا قايتقان اكەمە ارنايمىن

بۇكىل الەمگە ءوز ەلىن تانىتىپ جۇرگەن حاكۋحو بۇگىنگى باستى قارسىلاسى وزەكي تەرۋنوفۋجيگە دە ساتتىلىك تىلەيتىنىن جەتكىزدى.

«مەنىڭ جولىم – ۇلكەن جول، ساتتىلىك جولى. بىراق ساتتىلىك كوپ ەڭبەك ەتكەندەرگە عانا بولادى»، – دەدى  ول ءسوز سوڭىندا.

حاكۋحو: مەن بۇل باشيوداعى جەڭىسىمدى ءتاڭىردىڭ قۇزىرىنا قايتقان اكەمە ارنايمىن

 

Back to top button