ەندى... «Ashyq»-سىز جولىڭ اشىلمايدى!

ەندىگىدەن بىلاي پاندەمياعا بايلانىستى ازاماتتارعا دەگەن تالاپ بۇرىنعىدان دا كۇشەيە تۇسپەك!

قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2021 جىلعى 3 ماۋسىمداعى №26 قاۋلىسىنا سايكەس بارلىق ايماقتاردا «Ashyq» باعدارلاماسى ىسكە اسىرىلۋدا. سودان بەرى كوپتەگەن ساۋدا، ويىن-ساۋىق ورىندارى «Ashyq» باعدارلاماسىنا قوسىلىپ، كەلۋشىلەردى ارنايى تەكسەرۋدەن وتكىزىپ − ياعني، QR كودتى سكانەرلەۋ ارقىلى ازاماتتاردىڭ پاندەمياعا بايلانىستى ستاتۋسىن انىقتاپ جاتىر. ول ءۇشىن سمارتفونعا  «Ashyq» قوسىمشاسىن ورناتىپ الۋ كەرەك نەمەسە Kaspi.kz قوسىمشاسى ارقىلى دا عيماراتتارعا كىرەر جەرگە ورناتىلعان QR كودتى سكانەرلەۋ ارقىلى ءوزىڭنىڭ «قاۋىپسىز ادام» ەكەنىڭدى كورسەتۋىڭە بولادى.

وسى جىلدىڭ 19 شىلدەسىنەن باستاپ رەسپۋبليكالىق قوعامدىق قابىلداۋ بولمەلەرىنە قىزمەتكەرلەر مەن كەلۋشىلەردىڭ كىرۋى «Ashyq» قوسىمشاسى ارقىلى جۇزەگە اسىرىلاتىن بولادى.

كىرە بەرىستە سكانەرلەۋدى قاجەت ەتەتىن ارنايى QR كودى ورناتىلادى («Ashyq» ءموبيلدى قوسىمشاسى نەمەسە «Kaspi.kz»). عيماراتقا «قىزىل» نەمەسە «سارى» مارتەبەسى بار كەلۋشىلەردىڭ كىرۋىنە رۇقسات بەرىلمەيدى.

سوندىقتان بۇگىننەن باستاپ بۇل تالاپتى ورىنداۋعا دايىن بولا بەرگەندەرىڭىز ءجون!

ۇقساس جاڭالىقتار

Back to top button