Ақпарат және қоғамдық даму вице-министрі қызметінен босатылды

Үкімет қаулысымен Асхат Оралов басқа жұмысқа ауысуына байланысты Қазақстан Республикасының ақпарат және қоғамдық даму вице-министрі қызметінен босатылды. Бұл туралы Премьер-Министрдің баспасөз қызметі хабарлайды.

А. Оралов 1990 жылы Павлодар облысында туған.  Л. Н. Гумилев атындағы Еуразия Ұлттық Университетін, ҚР СІМ Мәскеу мемлекеттік халықаралық қатынастар университетін бітірген.

Еңбек жолын 2011 жылы Л. Н. Гумилев атындағы Еуразия Ұлттық Университетінің Әлеуметтік тәрбие жұмысы департаменті Жастар ұйымдарымен жұмыс жөніндегі бөлімінің бас маманы ретінде бастады.

Әр жылдары Л. Н. Гумилев атындағы Еуразия ұлттық университетінде, «Нұр Отан» партиясының филиалында, Астана қаласының Жастар саясаты мәселелері басқармасында, ҚР Дін істері және азаматтық қоғам министрлігінде, ҚР Қоғамдық даму министрлігінде жұмыс істеді.

2019 жылы Павлодар облысы әкімінің орынбасары болды. 2020 жылғы шілдеден бастап қазіргі уақытқа дейін ҚР ақпарат және қоғамдық даму вице-министрі болып жұмыс істеді.

Back to top button