СҚО-да 177 ноутбукті ұрлап сатқан аудандық білім бөлімінің қызметкерлері сотталды

Солтүстік Қазақстан облысында 177 ноутбукті ұрлап сатқан аудандық білім бөлімінің қызметкерлері сотталды. Бұл туралы Orda.kz хабарлайды.

Солтүстік Қазақстан облысында аз қамтылған отбасыдан шыққан мектеп оқушыларына онлайн режимінде білім беруге арналған 177 ноутбукті ұрлап, сатқан аудандық білім бөлімінің екі қызметкері сотталды.

Ақмола және Солтүстік Қазақстан облыстарының сыбайлас жемқорлыққа қарсы қызметі бірлескен жедел-іздестіру іс-шараларының нәтижелері бойынша Солтүстік Қазақстан облысының Айыртау ауданында мектеп оқушыларын қашықтықтан оқытуға арналған компьютерлік техниканы ұрлау фактілерін анықтаған.

– Коронавирус пандемиясы кезінде мектеп оқушыларына қашықтықтан оқытуға жағдай жасау үшін 2020 жылдың қыркүйегінде Айыртау ауданының ҚМУ білім бөлімі Солтүстік Қазақстан облысының білім басқармасынан 158 мың теңгеден 746 Acer ноутбуктарын алғаны анықталды. Олар мектеп директорларына бірінші кезекте аз қамтылған және толық емес отбасылардан шыққан оқушыларға тарату үшін берілді, – деп хабарлады Солтүстік Қазақстан облысының сыбайлас жемқорлыққа қарсы қызметі.

Жүргізілген жедел-іздестіру іс-шаралары барысында аудандық білім бөлімінің қызметкерлері – экономист және IT маманы Көкшетау қаласындағы ломбардтарға сатқан 177 ноутбукты ұрлағаны анықталды.

Келтірілген шығын27 миллион 966 мың теңге болады. Солтүстік Қазақстан облысының сыбайлас жемқорлыққа қарсы қызметі лауазымды тұлғаларға қатысты ҚР Қылмыстық кодексінің 2-тармағының 4-бөлігі 189-бабы (аса ірі көлемде жасалған ұрлық) бойынша сотқа дейінгі тергеу бастады.

Солтүстік Қазақстан облысы Айыртау аудандық сотының үкімімен шенеуніктер7 және 7,5 жылға бас бостандығынан айырылды. Ал Батыс Қазақстанда аз қамтылған отбасылар да балаларын оқытуға арналған ноутбуктерді ломбардтарға өткізген. Бұл факт бойынша қылмыстық іс қозғалған.

Back to top button