Гватемала Республикасының Денсаулық сақтау министрлігі "қара зеңнен" болған алғашқы өлім жағдайын растады және бұл жағдайды covid-19-бен байланыстырды.
"Эпидемиолог дәрігер Эдвин Кальгуа расталған мукормикозы ("қара зең") бар науқастың емге қарамастан 29 маусымда қайтыс болғанын айтты", - деп хабарлады ведомство өзінің Twitter-дегі блогында.
Сан-Хуан-де-Диос ауруханасының атқарушы директоры Херардо Эрнандес бұл жағдайдың коронавирус инфекциямен байланысын растады.
Мукормикоз немесе "қара зең" - саңырауқұлақ инфекциясынан туындаған асқыну. Ауру қоршаған ортадағы саңырауқұлақ спораларымен байланыста болған адамдарда пайда болуы мүмкін. Ауру диабетпен ауыратындар үшін, сондай-ақ коронавируспен күрескеннен кейін иммунитеті төмендегендер үшін үлкен қауіп төндіреді.
