Комада жатыр: Оралда 25 жастағы азаматты пойыз қағып кетті
Нұр-Сұлтан - Орал жолаушылар пойызы 25 жастағы ер адамды қағып кетті. Оқиға Орал-Желаево аралығында болған.
Теміржолшылардың айтуынша, ер адам құлаққап тағып алып, қозғалып бара жатқан пойыздың алынан жүгіріп өтпек болған.
«Жәбірленуші жарақат алып, комада жатыр", - деді Орал жол аралық учаскесінің басшысы Қуат Құламанов.
Пойыз адам қаққаннан кейін біраз уақыт тоқтап тұрып, кейін қозғалысын жалғастырды.