Оралда 65 жастағы қария аурухана терезеcінен секіріп, көз жұмды

Оралда 65 жастағы қария аурухана терезеcінен секіріп, көз жұмды

Оралда 65 жастағы қария аурухана терезеcінен секіріп, көз жұмды
ашық дереккөзі

Оралда ауруханада жатқан 65 жастағы ер адам үшінші қабаттан секіріп кеткен. БҚО денсаулық сақтау басқармасының мәліметінше, оқиға 22 маусым күні таңда болды.

«65 жастағы ер адам артериалды гипертензия диагнозымен 20 маусым күні қалалық көпбейінді ауруханаға түскен. 21 маусым күні ауруханадан шығуға сұранған, бірақ жұбайы сонда қалғанын жөн деп санаған. Дәрігерлер ер адамның ауруханаға түскен кезде көңіл күйінің түсіңкі, қапалы екенін аңғарған. Сол себепті психологтың кеңесіне жүгіну керек деп тапқан. Анықталғандай, ол жарты жыл бұрын баласынан айырылып, содан айыға алмаған. 22 маусым күні таңертең 06.30-да дәрігерлер қан қысымын өлшеп, тексергеннен кейін қария палатада қалған. Үшінші қабаттан секіріп кеткен оны сағат 06.57-де санитар тапқан. Дереу маман дәрігерлер бригадасы (хирург, травматолог және басқалар) шақырылып, емделуші жансақтау бөліміне жеткізілген. Дәрігерлер екі сағат бойы оның өмірі үшін күрескенімен, ажалға қарсы тұра алмады. Әйеліне хабар беріліп, полиция шақыртылды», - деп хабарлады ведомстводан. БҚО полиция департаменті оқиғаның мән-жайы анықталып, ҚР ҚК 105-бабына (өзiн-өзi өлтiруге дейiн жеткiзу) сәйкес қылмыстық іс қозғалып, тергеу амалдары жүргізіліп жатқанын мәлімдеді.