Жаңалықтар

Қызылордада екі күн бойы іздестірілген жасөспірім қыздың денесі табылды

Қызылордада екі күн бойы іздестірілген жасөспірім қыздың денесі табылды, деп хабарлайды ҚазАқпарат.

Еске сала кетейік, жасөспірім қыз 18 маусымда сағат 12:30 шамасында белгісіз бағытқа шығып кетіп, қайтып оралмаған.

Іздестіру жұмыстарына қалалық полиция басқармасының 300-ге тарта қызметкері, төтенше жағдайлар департаменті мамандары, еріктілер тобы және жергілікті тұрғындар атсалысты.

«Бүгін, 20 маусымда жергілікті уақыт сағат 13:30 шамасында полиция қызметкерлері Тұңғыш президент паркінің жанындағы Шіркейлі каналының бойынан жасөспірім қыздың денесін тапты. Ол үйінен шамамен 2 шақырым қашықтықта орналасқан. Бұған байланысты қажетті сот-медициналық сараптамалар тағайындалды. Денесінде зорлық-зомбылық белгілері байқалмайды. Аталған оқиға бойынша тергеу әрекеттері басталды. Тергеу әрекеті облыстық полиция департаменті бастығының қатаң бақылауында», – деп мәлім етті Қызылорда облыстық полиция департаментінен.

Back to top button