قىزىلوردادا اسا قاۋىپتى قىلمىسكەر ۇستالدى (ۆيدەو))

قىزىلوردا وبلىسىندا سوت تورەلىگىنەن جاسىرىنىپ جۇرگەن اسا قاۋىپتى قىلمىسكەر ۇستالدى، – دەپ حابارلايدى Polisia.kz.

34 جاستاعى ەر ادام كىسى ءولتىردى دەپ ايىپتالۋدا. 2018 جىلدىڭ كۇزىندە قىزىلوردا قالاسىنداعى ياساۋي مەن بوكەي حان اتىنداعى ورتالىق كوشەلەردىڭ قيىلىسىندا، Toyota Land Cruiser Prado اۆتوكولىگىنەن ەلوردا تۇرعىنىنىڭ ءمايىتى تابىلدى. ونى كەۋدە تۇسىنان ەكى رەت اتىپ ولتىرگەن.

پوليتسەيلەر ايىپتالۋشىنىڭ جەكە باسىن انىقتادى. سول جىلدىڭ 5 جەلتوقسانىندا قىزىلوردا قالاسىنىڭ تۇرعىنى وسى كىسى ولىمىنە كۇدىكتى دەپ تانىلدى.

بوي تاسالاپ قاشىپ كەتكەن قىلمىسكەرگە حالىقارالىق ىزدەۋ جاريالانعان ەدى. وعان قاتىستى سوت “كۇزەتپەن ۇستاۋ” تۇرىندەگى بۇلتارتپاۋ شاراسىن قابىلدادى.

قۇقىق قورعاۋ ورگاندارى قاجەتتى ارنايى جەدەل-ىزدەستىرۋ ءىس-شارالارىن جۇرگىزدى. ناتيجەسىندە وبلىستىق پوليتسيا دەپارتامەنتىنىڭ كريمينالدىق پوليتسيا قىزمەتكەرلەرى ىزدەستىرىلىپ جۇرگەن كۇدىكتىنى وبلىس ورتالىعىندا، تاڭەرتەڭ تۋىستارىنىڭ جەكە ۇيىندە ۇستادى.

ۇستالعان كەزدە ول تاعى دا قاشىپ كەتۋگە تىرىسىپ، پوليتسيا قىزمەتكەرلەرىنە قارسىلىق كورسەتتى.

قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى.

ۇقساس جاڭالىقتار

Back to top button