Атырау облысы мұнай өндірісін арттыруды жоспарлап отыр

Мұнай өндірудің жылдық көлемі 60 миллион тоннаға жетпек

Президент жанындағы Орталық коммуникациялар қызметінде өткен брифингте Атырау облысының әкімі Махамбет Досмұхамбетов Мемлекет Басшысы Қасым-Жомарт Тоқаевтың тапсырмасы бойынша әзірленген және қабылданған Атырау облысының 2025 жылға дейінгі әлеуметтік-экономикалық дамуының кешенді жоспары туралы айтты.

Досмұхамбетовтың айтуынша, бұл құжат облыс тұрғындарын толғандыратын өзекті мәселелерді шешуге, олардың өмір сүру деңгейін арттыруға және өңірдің кешенді дамуын қамтамасыз етуге бағытталған. Экономикада кешенді жоспар іс-шараларын іске асыру айтарлықтай дамуды және негізгі бағыттар бойынша сапалы секіруді қамтамасыз етеді.

d62c780706161853cdbe289b14772522

Атап айтқанда, мұнай өндірудің жылдық көлемі 60 миллион тоннаға жетіп, 15 миллион тоннаға артады; өңдеу өнеркәсібінің көлемі 756 миллиард теңгеге дейін артады; жұмыс істеп тұрған кәсіпкерлік субъектілерінің саны 55 мың бірлікке дейін, ЖӨӨ – дегі ШОБ үлесі 25,2 пайызға дейін артады.

Ауыл шаруашылығында 23 жоба және балық шаруашылығында 9 жоба, мұнай-газ химиясында ірі жобалар іске асырылатын болады. Инженерлік және көлік инфрақұрылымы саласында 640 шақырым жолды қайта жаңарту және жөндеу жоспарлануда және 2025 жылға қарай жақсы және қанағаттанарлық жағдайдағы жолдар үлесінің көрсеткішін 95 пайызға жеткізу жоспарланған.

Back to top button