اقىن جاركەن بودەش ۇلىنىڭ رۋحىنا ارنالعان كىتاپ جارىق كوردى

ەرتەڭ، ياعني 18 ماۋىم كۇنى الماتى قالاسىندا ءساۋىر ايىندا ومىردەن وتكەن بەلگىلى اقىن، حالىقارالىق «الاش» ادەبي سىيلىعىنىڭ يەگەرى جاركەن بودەش ۇلىن ەسكە الۋ كەشى وتەدى. 

اتالعان جيىندا اقىن ەرجانات بايقابايدىڭ “بوتالار نەگە بوزدايدى؟” اتتى جىر جيناعىنىڭ تۇساۋكەسەرى ءراسىمى جاسالادى.  جيناقتا اقىن جاركەن بودەش ۇلىنىڭ رۋحىنا ارنالىپ جازىلعان ولەڭدەر توپتاستىرىلعان. وندا جاركەن جىراۋدىڭ تۋعان جەرى مەن وسكەن ورتاسى، قيلى تاعدىرىن اقىن تىلىنە تيەك ەتەدى.

قازاقستان جازۋشىلار وداعى ۇيىمداستىرىپ وتىرعان بۇل شاراعا جاركەن اقىننىڭ كوزىن كورگەن قالامگەر زامانداستارى جانە ءىنى-قارىنداستارى قاتىسادى. (ۋاقىتى: 2021 جىل. 18 ماۋسىم، ساعات: 16:00 دە. ورىنى: قۇرمانعىزى 40، “دوستىق ءۇيى”)

Back to top button