بۇگىن ەلىمىزدىڭ باسىم بولىگىندە اۋا رايى قۇبىلمالى بولادى

14 ماۋسىم كۇنى قازاقستان تەرريتورياسىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىمەن قۇبىلمالى اۋا رايى ساقتالادى: كەي جەرلەردە نايزاعاي، جاڭبىر، بۇرشاق كۇتىلەدى.

ەلىمىزدىڭ تەك سولتۇستىگى مەن وڭتۇستىگىندە كۇن رايى جاۋىن-شاشىنسىز بولادى. رەسپۋبليكانىڭ كەي جەرلەرىندە جەل، وڭتۇستىگى مەن وڭتۇستىك-باتىسىندا شاڭدى داۋىل بولجانادى.

كۇندىز جامبىل وبلىسىنىڭ تاۋلى اۋداندارىندا نايزاعاي، داۋىل، بۇرشاق بولادى. كەي جەرلەردە جەلدىڭ كۇشى 15-20، 23-28 م/س ارتادى.

كۇندىز تۇركىستان وبلىسىنىڭ تاۋلى اۋداندارىندا نايزاعاي كۇتىلەدى، كەي جەرلەرىندە جەلدىڭ ەكپىنى 17-22، 25 م/س جەتىپ، شاڭدى داۋىل تۇرادى.

قىزىلوردا وبلىسىنىڭ كەي جەرلەرىندە جەلدىڭ ەكپىنى كۇندىز 23 م/س ارتىپ، شاڭدى داۋىل كوتەرىلەدى.

ماڭعىستاۋ، باتىس قازاقستان وبلىستارىنىڭ كەي جەرلەرىندە نايزاعاي، بۇرشاق بولجانادى. جەلدىڭ جىلدامدىعى 15-20 م/س قۇرايدى. ماڭعىستاۋ وبلىسىنىڭ كەي جەرلەرىندە شاڭدى داۋىل بولادى.

اتىراۋ، قاراعاندى، شىعىس قازاقستان وبلىستارىنىڭ كەي جەرلەرىندە نايزاعاي ويناپ، كۇندىز جەلدىڭ كۇشى 15-20 م/س قۇرايدى.

تۇندە اقتوبە وبلىسىنىڭ كەي جەرلەرىندە نايزاعاي كۇتىلەدى، 15-20 م/س ەكپىندە جەل تۇرادى.

الماتى، كۇندىز قوستاناي، پاۆلودار وبلىستارىنىڭ كەي جەرلەرىندە جەل 15-20 م/س كۇشەيەدى. اقمولا وبلىسىنىڭ كەي جەرلەرىندە نايزاعاي كۇتىلەدى.

سولتۇستىك قازاقستان وبلىسىنىڭ تۇندە جانە تاڭەرتەڭ كەي جەرلەرىندە تۇمان بولجانادى.

سونداي-اق سينوپتيكتەردىڭ اقپاراتىنشا، كۇندىز اتىراۋ وبلىسىنىڭ كەي جەرلەرىندە، قوستاناي وبلىسىنىڭ وڭتۇستىگىندە قاتتى ىستىق بولادى.

قىزىلوردا وبلىسىندا، تۇركىستان، جامبىل، اقتوبە، پاۆلودار وبلىستارىنىڭ باسىم بولىگىندە، الماتى، قاراعاندى، قوستاناي، اقمولا وبلىستارىنىڭ كەي جەرلەرىندە، باتىس قازاقستان، شىعىس قازاقستان وبلىستارىنىڭ جەكەلەگەن اۋداندارىندا وتە جوعارى ءورت قاۋپى ساقتالادى.

ۇقساس جاڭالىقتار

Back to top button