9 ماۋسىم: ەلەۋلى وقيعالار مەن ەرەكشە ساتتەر

24 جىل بۇرىن (1993) الماتىداعى دوستىق ۇيىندە كاسپي تەڭىزى ايدىنىنىڭ قازاقستانعا قاراستى تابانىندا گەولوگيالىق بارلاۋ باعدارلاماسى جونىندە حالىقارالىق مۇناي كومپانيالارى كونسورتسيۋمى قۇرىلدى. ونىڭ قۇرامىنا قازاقستان، يتاليا، اقش، نورۆەگيا، نيدەرلاندى، انگليا مۇناي كومپانيالارى كىردى.

24 جىل بۇرىن (1993) الماتىدا، كينو ۇيىندە تولە بي دەرەكتى ءفيلمىنىڭ پرەمەراسى ءوتتى.

22 جىل بۇرىن (1995) حالىقارالىق ديدار – قازاقستان جۋرنالىنىڭ ءبىرىنشى ءنومىرى جارىق كوردى.

19 جىل بۇرىن (1998) استانادا وتان قورعاۋشىلارعا ارنالعان بولاشاق ەسكەرتكىشتىڭ ورنىنا بەلگىتاس ورناتىلدى.

19 جىل بۇرىن (1998) استانادا قىرعىزستان رەسپۋبليكاسىنىڭ ەلشىلىگى اشىلدى.

15 جىل بۇرىن (2002) استانادا ۆەنگريانىڭ مادەني كۇندەرى ءوتتى.

14 جىل بۇرىن (2003) استانادا حالىقارالىق استانالار مەن ءىرى قالالار اسسامبلەياسىنىڭ وتىرىسى ءوتتى.

12 جىل بۇرىن (2005) اقوردادا ەلباسى نۇرسۇلتان نازارباەۆتىڭ ەۋرازيا جۇرەگىندە اتتى جاڭا كىتابىنىڭ تانىستىرىلىمى بولىپ ءوتتى.

11 جىل بۇرىن (2006) الماتىدا كۋرورت مارتەبەسىنە يە جاڭا جايلاۋ گولف-كلۋبى اشىلدى. كلۋبتىڭ ويىن الاڭدارىن مەملەكەت باسشىسى نۇرسۇلتان نازارباەۆ پەن الماتىدا اشىلعان قازاقستان رەسپۋبليكاسى پرەزيدەنتى جانىنداعى شەتەلدىك ينۆەستورلار كەڭەسىنىڭ XV ماجىلىسىنە قاتىسۋشىلار العاشقىلاردىڭ ءبىرى بولىپ سىناقتان وتكىزىپ كوردى. جايلاۋدىڭ 18 الاڭىنىڭ جالپى اۋماعى – 82 گەكتار. 18 ۇياسى بار گولف-الاڭ تمد اۋماعىنداعى ۇزدىكتەردىڭ ءبىرى بولىپ تانىلىپ، گولف-كۋرورت الەمدەگى ەڭ ۇزدىك كلۋبتاردىڭ كاتالوگىنا ەنگىزىلىپ وتىر. جوبانىڭ اۆتورى – اتى اڭىزعا اينالعان گولف شەبەرى ارنولد پالمەر نەگىزىن قالاعان Palmer Course Design Co. كومپانياسى. جاڭا سپورت كەشەنىنىڭ اۋماعىندا 38 ۆيللا، 64 پاتەرلى بەس قاباتتى تۇرعىن ءۇي كەشەنى جانە 3 تەننيس كورتى بار. جاڭا كلۋبتىڭ اشىلۋ ءراسىمى قازاقستانداعى وسى سپورت ءتۇرىنىڭ 10 جىلدىعىنا جانە شەتەلدىك ينۆەستورلار كەڭەسىنىڭ XV ماجىلىسىنە ورايلاستىرىلدى.

8 جىل بۇرىن (2009) اقمولا وبلىسى ەرەيمەنتاۋ اۋدانىنداعى تورعاي اۋىلىنىڭ ماڭىندا ورنالاسقان تۇركى ءداۋىرىنىڭ قوس باتىر عۇرىپتىق ەسكەرتكىشى تابىلدى.

ول عۇرىپتىق ەسكەرتكىش تاستان قالانعان ءتورت بۇرىشتى ەكى قورشاۋدان تۇرادى. ەكى قورشاۋدىڭ شىعىس جاعىندا تاستان قاشالعان ەكى باتىردىڭ ءمۇسىنى بار. بۇل مۇسىندەر VII-VIII عاسىردا جاسالعان.

7 جىل بۇرىن (2010) الماتىدا التىن قالام ادەبي بايقاۋى جاريالاندى.

6 جىل بۇرىن (2011) تارازدا فەرروقورىتپالار زاۋىتى پايدالانۋعا بەرىلدى، ونى جاڭعىرتۋ جوباسى جامبىل وبلىسىندا ايماق ءۇشىن جاڭا سالا – مەتاللۋرگيا كاسىپورنىن، ونىمدىلىگى جوعارى، جوعارى ساپالى، ەكسپورتقا باعدارلانعان، بۇل رەتتە ەكولوگيالىق قاۋىپسىز ءونىمدى شىعاراتىن كاسىپورىندى قۇرۋعا مۇمكىندىك بەردى.

6 جىل بۇرىن (2011) دەليدەگى قازاقستان ەلشىلىگىندە قازاقستان رەسپۋبليكاسى مەن دومينيكان رەسپۋبليكاسىنىڭ اراسىنداعى ديپلوماتيالىق قاتىناس ورناتۋ بويىنشا مەموراندۋمعا قول قويىلدى.

ۇقساس جاڭالىقتار

Back to top button