وبلىستىق جانە اۋداندىق ماڭىزى بار جولداردىڭ 71% ساپاسى جاقسى

اۆتوموبيل جولدارىن سالۋ مەن جوندەۋدى قارجىلاندىرۋدىڭ ايتارلىقتاي ءوسۋى ولاردىڭ ساپاسىنىڭ جاقسارۋىنا ەشقانداي اسەر ەتپەيدى.

ايتالىق، 2018 جىلى رەسپۋبليكالىق بيۋدجەتتەن جولدارعا 64 ملرد تەڭگەدەن استام، ال 2019 جىلى 1،3 ترلن. تەڭگەدەن استام قاراجات ءبولىنگەن. قالىپتاسقان جاعداي «Nur Otan» پارتياسى پارتيالىق باقىلاۋ كوميتەتىنىڭ وتىرىسىندا تالقىلاندى.

كوميتەت مۇشەسى ميراس شەكەنوۆءتىڭ ايتۋىنشا، وسى باعىتتا سوڭعى 2 جىلدا جۇرگىزىلگەن تالداۋ جۇمىستارى 1 كم جولدى ورتاشا جوندەۋ قۇنى جوبا مەن ايماققا بايلانىستى ايتارلىقتاي وزگەرەتىنىن كورسەتكەن. مىسالى، ەگەر ماڭعىستاۋ وبلىسىندا رەسپۋبليكالىق جولدىڭ 1 شاقىرىمىن 14،5 ملن تەڭگەگە جوندەۋگە بولاتىن بولسا، پاۆلودار وبلىسىندا ءدال وسىنداي قاشىقتىقتى جوندەۋ ءۇشىن 60 ملن. تەڭگەدەن استام قاراجات تولەۋگە تۋرا كەلەدى.

«1 كم جولعا ورتاشا جوندەۋ جۇمىسىن جۇرگىزۋدىڭ نورماتيۆتەرءىن بەلگىلەۋ توسەمگە جانە ۇلگىلىك جوبالىق شەشىمدەرگە بايلانىستى قۇجاتتامانى دايىنداۋ مەرزىمىن 4 ايعا قىسقارتۋعا مۇمكىندىك بەرەدى، وسىلايشا بيۋدجەتتەۋ راسىمدەرىن جەڭىلدەتەدى. سونىمەن قاتار، ليميتتەردى بەلگىلەۋ جىل سايىن مەملەكەتتىك بيۋدجەت قاراجاتىن 8،2 ملرد.تەڭگەگە دەيىن ۇنەمدەءيدى»، – دەءدى ميراس شەكەنوۆ.

جولداردىڭ ساپاسىنا كەلەتىن بولساق، سالالىق ۆەدومستۆونىڭ دەرەكتەرى بويىنشا وبلىستىق جانە اۋداندىق ماڭىزى بار جولداردىڭ 71%-ى جاقسى دەپ باعالانادى. الايدا قازاقستاندىقتاردىڭ بۇل دەرەكپەن كەلىسە قويۋى ەكىتالاي. يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆتىڭ سوزىنە سەنسەك، بارلىعىنا تەحنيكالىق قاداعالاۋدىڭ بولماۋى كىنالى.

«تەحنيكالىق، اۆتورلىق قاداعالاۋ ەشتەڭەگە جاۋاپ بەرمەيدى. ولار تەك باقىلاۋشىلارسياقتى ءجاي عانا نىسانداردى ارالاپ جۇرەدى. ال قالالىق جولداردا تەحنيكالىق قاداعالاۋ اتىمەن جوق. باقىلاۋدى اكىمدىكتەر جانىنداعى اۆتوموبيل جولدارى جانە جولاۋشىلار كولىگى باسقارماسى جۇزەگە اسىرادى، وندا ەڭ كوبى 15 قىزمەتكەر عانا جۇمىس ىستەيدى. سوندىقتان جەرگىلىكتى جەرلەردەگى جول قۇرىلىسىنا ساراپتاما جۇرگىزۋ جانە باقىلاۋ ءۇشىن جول اكتيۆتەرىنىڭ ۇلتتىق ساپا ورتالىعى قۇرىلدى. وكىنىشكە قاراي، بارلىق اكىمدىكتەر ءتيىستى كەلىسىمدەرگە قول قويعان جوق، بۇل تەحنيكالىق قاداعالاۋدى جۇزەگە اسىرۋدى قيىنداتادى»، – دەدى بەرىك كاماليەۆ.

سونداياق، كوميتەت مۇشەلەرى كولىك يەلەرىكوپتەن بەرى شاعىمدانىپ جۇرگەن جەزقازعان-قىزىلوردا تاس جولىن جوندەۋ ماسەلەسىن تالقىلادى. يندۋستريا ۆيتسە-ءمينيسترى وسى جىلدىڭ سوڭىندا ماتەريالداردى دايىنداۋجۇمىستارى باستالاتىنىن، ال قۇرىلىس مەرزىمى 3 جىلعا سوزىلاتىنىن ايتتى.

كوميتەت توراعاسى، ءماجىلىس دەپۋتاتى ارتۋر پلاتونوۆ پارتيانىڭ «ءوزگەرىستەر جولى: ءارازاماتقا لايىقتى ءومىر!» سايلاۋالدى باعدارلاماسىندا ەلىمىزدىڭ بارلىق قالالارىن زاماناۋي اۆتوجولدار جەلىسىمەن قوسۋ مىندەتى قويىلعانىن ەرەكشە اتاپ ءوتتى.

«2025 جىلعا قاراي 25 مىڭ شاقىرىم رەسپۋبليكالىق اۆتوجول سالىنادى جانە قايتا جاڭارتىلادى دەپ جوسپارلانۋدا. بۇدان باسقا، ءاربىر تىرەك اۋىلعا دەيىنگى 27 مىڭ كم جەرگىلىكتى جول جوندەلۋى ءتيىس، ولاردىڭ جاقسى جانە قاناعاتتانارلىق جاعدايداعى ۇلەسىن 95%-عا دەيىن جەتكىزۋ قاجەت. مەملەكەتتىك ورگاندار وسى باعىتتاعى جۇمىستى جانداندىرعانى ءجون»، – دەدى ارتۋر پلاتونوۆ.

وتىرىس قورىتىندىسى بويىنشا كوميتەت جول جوندەۋ ماسەلەلەرىن ەرەكشە پارتيالىق باقىلاۋعا الۋعا قاۋلى ەتتى. يندۋستريا مينيسترلىگىنە اۆتوموبيل جولدارىنىڭ بارلىعىن، اسىرەسە جەرگىلىكتى ماڭىزى بار جولداردى قاداعالاۋ جۇيەسىن جولعا قويۋ ۇسىنىلدى. سونىمەن قاتار، پارتيالىق باقىلاۋ كوميتەتىنىڭ مۇشەلەرى قارجىلاندىرۋ كوزدەرىن كورسەتە وتىرىپ، قايتا قۇرۋ، كۇردەلى، ورتاشا جانە اعىمداعى جوندەۋ جوبالارىجاريالاناتىن جول دەرەكقورىن اشىق كوزدەرگە ورنالاستىرۋدى ۇسىندى

ۇقساس جاڭالىقتار

Back to top button