اناسى جۇمىستا بولعان: الماتىدا كوشەدە قاراۋسىز جۇرگەن 3 جاسار قىز تابىلدى

الماتىدا ءۇش جاسار قىز كوشەدە اداسىپ كەتكەن جەرىنەن تابىلدى.

الماتى پوليتسيا دەپارتامەنتىنىڭ مالىمەتىنشە، 8 ماۋسىم كۇنى تۇركسىب اۋداندىق پوليتسيا باسقارماسىنا جەرگىلىكتى تۇرعىنداردان قوڭىراۋ كەلىپ تۇسكەن.

سەيفۋللين داڭعىلىنا جەتپەي پاللادين كوشەسىندە 3 جاسار قىز تابىلعان. قوڭىراۋ شالۋشىلاردىڭ ايتۋىنشا، بالا ەرەسەكتەردىڭ قاراۋىنسىز جۇرگەن.

«بالانىڭ جانە ونىڭ اناسىنىڭ جەكە باسى بىردەن انىقتالدى. ول سول ۋاقىتتا جۇمىستا بولعان. ايەل قىزىن 10 جاستاعى ۇلكەن ۇلىمەن ۇيدە قالدىرعانىن ايتتى. ۇلى ۇيىقتاپ جاتقاندا، ءبۇلدىرشىن ۇيدەن شىعىپ كەتىپ، جوعالىپ كەتكەن. 1994 جىلى تۋعان ازاماتشامەن الداعى ۋاقىتتا مۇنداي فاكتىلەرگە جول بەرمەۋ تۋرالى پروفيلاكتيكالىق اڭگىمە وتكىزىلدى. وتباسى تۇرعىلىقتى جەرى بويىنشا تەكسەرىلدى»، – دەدى تۇركسىب اۋداندىق پب جانىنداعى پوليتسيا ءبولىمىنىڭ باستىعى ەركىن امانتاەۆ.

ۇقساس جاڭالىقتار

Back to top button