زاڭ بۇزعان 12 شەتەل ازاماتى ەلدەن شىعارىلدى

اقتوبەدە «ميگرانت» جەدەل الدىن الۋ شاراسى اياسىندا ءبىر اپتادا 12 شەتەل ازاماتى ەل اۋماعىنان شىعارىلدى.

اقتوبە وبلىسى اۋماعىندا رەسپۋبليكالىق «ميگرانت» جەدەل-الدىن الۋ شاراسى ءوتىپ جاتىر. زاڭسىز كوشى-قوندى توقتاتۋ، شەتەل ازاماتتارىنىڭ وبلىس اۋماعىندا زاڭسىز جۇمىس ىستەۋىن جويۋ ماقساتىندا رەيد ۇيىمداستىرىلدى.

«قازاقستان رەسپۋبليكاسى اۋماعىندا بولۋ ەرەجەسىن بۇزعان 61 ادام، ونىڭ ىشىندە 39 شەتەل ازاماتى انىقتالدى. شەتەلدىكتەردى قابىلداۋ جانە شەتەلدىك جۇمىس كۇشىن پايدالانۋ ەرەجەلەرىن بۇزۋعا جول بەرگەن 22 ازامات تا اكىمشىلىك جاۋاپقا تارتىلدى. سوت قاۋلىسىمەن 12 شەتەل ازاماتى ەل اۋماعىنان شىعارىلدى. ونىڭ بىرەۋى قىتاي ازاماتى»، – دەدى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.

ۇقساس جاڭالىقتار

Back to top button