Jas Otan: جاستار ساياساتىنداعى باستى ماسەلە – جۇمىسپەن قامتۋ بولىپ وتىر

اقمولا وبلىسىندا 153 مىڭنان استام جاستار بار. بۇل وبلىستىڭ بارلىق تۇرعىندارىنىڭ 20 پايىزى. ونىڭ ىشىندە قالالىق جاستار – 45%، اۋىل جاستارى – 55%.

2020 جىلى جاستار ساياساتىن ىسكە اسىرۋعا بيۋدجەتتەن 468 ملن تەڭگە قارجى بولىنگەن. وبلىستىڭ بارلىق قالاسى مەن اۋدانىندا «جاس وتان» جق فيليالدارى، جاستار رەسۋرستىق ورتالىقتارى جانە جاستار بىرلەستىگى جۇمىس ىستەۋدە.

بۇگىن وبلىس اكىمى، وبلىستىق پارتيا فيليالى توراعاسى ەرمەك مارجىقپاەۆتىڭ قاتىسۋىمەن «Nur Otan» پارتياسى اقمولا وبلىستىق فيليالى جانىنداعى ساياسي كەڭەس بيۋروسىنىڭ كەزەكتى وتىرىسىندا 2025 جىلعا دەيىن «جاس وتان» جاستار قاناتى اقمولا وبلىستىق فيليالىنىڭ «جاستار – وتانعا!» باعدارلاماسىن جۇزەگە اسىرۋ بويىنشا جول كارتاسىن بەكىتۋ تۋرالى ماسەلە قارالدى.

«جاستار – وتانعا!» باعدارلاماسىندا 2025 جىلعا دەيىن ۇيىمنىڭ جاڭا ماقساتتارى مەن مىندەتتەرى انىقتالىپ قانا قويماي، سونىمەن قاتار اقمولا وبلىسىندا جاستار ساياساتىن جۇزەگە اسىرۋ قىزمەتىنە ساپالى تالداۋ جاسالادى.

«Nur Otan» پارتياسى اقمولا وبلىستىق فيليالىنىڭ «جاس وتان» جاستار قاناتىنىڭ جەتەكشىسى سۇلتانبەك بەكەشەۆ ءوز بايانداماسىندا بۇل باعدارلاما وبلىستا بەلسەندى تۇردە جۇزەگە اسىرىلىپ جاتقانىن اتاپ ءوتتى.

«جۇمىسپەن قامتۋ جاستار ساياساتىنداعى باستى ماسەلە بولىپ قالا بەرمەك. جاستار اراسىنداعى جۇمىسسىزدىق دەڭگەيى بۇگىندە 3،4% قۇراپ وتىر. «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىن ىسكە اسىرۋ شەڭبەرىندە 1769 ادامدى جۇمىسپەن قامتىلدى. 85 ادام قىسقا مەرزىمدى كۋرستاردا وقىدى. 28 ادام گرانت، 8 ادام ميكروكرەديت السا، 142 ادام «Bastau Business» جوباسى بويىنشا وقىپ، سەرتيفيكات العان. بۇل ۇلكەن كورسەتكىش»، – دەدى سۇلتانبەك بەكەشەۆ.

بۇگىنگى تاڭدا ستۋدەنت جاستارعا ەرەكشە نازار اۋدارىلۋدا. «ديپلوممەن – اۋىلعا!» جوباسى ءساتتى جۇزەگە اسىرىلۋدا. سونىڭ ارقاسىندا مىڭداعان جاس ماماندار جۇمىس تاۋىپ قانا قويماي، اۋىلداعى مامانداردىڭ جەتىسپەۋشىلىگىمەن پروبلەمانى شەشۋگە كومەكتەسۋدە. «ديپلوممەن – اۋىلعا!» جوباسى اياسىندا رەسپۋبليكالىق بيۋدجەتتەن 2021 جىلعا اۋىلدىق ەلدى مەكەندەردە جۇمىس ىستەۋ جانە تۇرۋ ءۇشىن كەلگەن الەۋمەتتىك سالا مەن اگروونەركاسىپتىك كەشەنءنىڭ 339 مامانىناماماندارىنا 1 483،6 ملن تەڭگە بيۋدجەتتىك نەسيەلەر جانە 179،8 ملن-عا كوتەرمە جاردەماقى بەرىلگەن.  

2021 جىلدىڭ 1 ماۋسىمىنداعى جاعداي بويىنشا 1078 ملن تەڭگە 368 كوتەرمە جاردەماقىسى تولەندى. 652،3 ملن تەڭگەگە 154 بيۋدجەتتىك نەسيە بەرىلدى.

جىل سايىن جوعارى وقۋ ورىندارىنىڭ ستۋدەنتتەرىنە وبلىستىق بيۋدجەتتەن 150 گرانت، از قامتىلعان جانە كوپ بالالى وتباسىلاردىڭ بالالارىنا وبلىسقا رەسپۋبليكالىق بيۋدجەت ەسەبىنەن 120 گرانت ءبولىنءدى. بۇگىنگى كۇنى 230 ستۋدەنت جالپى سوماسى 107 ملن تەڭگەگە اقمولا وبلىسى اكىمىنىڭ جەكە ستيپەندياسىنىڭ يەگەرلەرى.

الداعى ۋاقىتتا 5 ءبىلىم بەرۋ ۇيىمىنا 2850 ورىندىق ستۋدەنتتىك جاتاقحانا سالىنىپ، وتكەن 2020 جىلى ا.مىرزاحمەتوۆ اتىنداعى كوكشەتاۋ ۋنيۆەرسيتەتىندە 500 ورىنعا ارنالعان جاتاقحانا قۇرىلىسى اياقتالىپ، پايدالانۋعا بەرىلدى.

«جاس وتان» جق سونىمەن بىرگە شىعارماشىل جاستارعا قولداۋ كورسەتىپ كەلەدى. جىل سايىن دارىندى جاستار اراسىندا بايقاۋلار وتكىزءىپ، ۆولونتەرلىك جوبالار جۇيەلى تۇردە جۇزەگە اسىرىلاۋدا. وبلىستا 3 مىڭنان استام ەرىكتىلەر قىزمەتكە تارتىلعان. جاستار رەسۋرستىق ورتالىقتارىنىڭ جانىنان 74ۆولونتەرلىك ورتالىق جۇمىس ىستەپ تۇر.

جاسوتاندىقتار Covid-19 پاندەمياسىنا قارسى كۇرەس كەزىندە دە وزدەرىن بەلسەندى كورسەتە ءبىلدى. تۇراقتى نەگىزدە «جاس وتان» جق ەرىكتىلەرى «كەدەرگىسىز كەلەشەك»، «باقىتتى وتباسى» جانە «ارداگەرلەردى ارداقتايىق» پارتيالىق جوبالارى شەڭبەرىندە الەۋمەتتىك مۇقتاج ادامدارعا، زەينەتكەرلەرگە، كوپ بالالى وتباسىلارعا، مۇگەدەكتەرگە اتاۋلى كومەك كورسەتءتى.

Covid-19 پاندەمياسى كەزىندە «جاس وتان» جق ەرىكتىلەرى «دارىگەرلەردى ارداقتايىق!» اكتسياسىن ۇيىمداستىرىپ، دارىگەرلەرگە  قولداۋ كورسەتت.  وبلىس بويىنشا 1000-نان استام دارىگەرگە پايدالى تاعامدار، جەمىستەر مەن ۆيتاميندەر بار پاكەتتەر تاراتىلدى.

جول كارتالارىن قالىپتاستىرۋ اياسىندا قالالاردا دا، اۋىلدىق جەرلەردە دە 80-گە جۋىق كەزدەسۋلەر وتكىزىلدى. كەزدەسۋلەر جاستاردىڭ بارلىق ساناتتارى قامتىلىپ، ستۋدەنتتەر، جاستار ءىسى جونىندەگى كوميتەتتەردىڭ باسشىلارى، قوعامدىق پىكىر كوشباسشىلارى، سپورتشىلار، جۇمىسشى جاستار، مەكتەپ وقۋشىلارى، شىعارماشىل جاستار «جاستار وتانعا!» باعدارلاماسىن ىسكە اسىرۋدىڭ 2025 جىلعا دەيىنگى 20 جول كارتاسى ازىرلەۋگە قاتىستى. (1 وبلىستىق، 2 قالالىق جانە 17 اۋدان).

وڭىرلىك جول كارتاسىندا 6 باعىت بويىنشا 27 ينديكاتور مەن 60 شاراعا جوسپارلانعان.  جول كارتاسىندا كورسەتىلگەن بارلىق ينديكاتورلار پارتيانىڭ جانە «جاس وتان» جق-نىڭ تۇراقتى باقىلاۋىندا بولادى جانە پارتيالىق پلاتفورمالاردا جۇيەلى تۇردە قارالىپ، پارتيالىق باقىلاۋ كوميسسيالارى، جاستاردى قولداۋ جونىندەگى قوعامدىق كەڭەستەردىڭ باقىلاۋىندا بولماق.

جول كارتاسىنىڭ نەگىزىندە جاستاردىڭ وزەكتى ماسەلەلەرى كوتەرىلىپ، ولاردى شەشۋدىڭ ءتيىمدى جولدارى ۇسىنىلعان. جالپى 2025 جىلعا دەيىنگى «جاستار-وتانعا!» باعدارلاماسى جاس ورەندەردى جان-جاقتى قولداۋدىڭ نەگىزى بولىپ،ايماقتاعى جاستاردىڭ دامۋىنا جاڭا نۇسقاۋلىق بولادى دەپ كۇتىلۋدە.

وتىرىس قورىتىندىسى بويىنشا ساياسي كەڭەس بيۋروسىنىڭ مۇشەلەرى «جاس وتان» جاستار قاناتىنىڭ اقمولا وبلىسى بويىنشا 2025 جىلعا دەيىنگى «جاستار – وتانعا!» باعدارلاماسىن ىسكە اسىرۋ جونىندەگى جول كارتاسىن بەكىتتى.

ۇقساس جاڭالىقتار

Back to top button