جاستار اراسىندا پىكىرسايىس ءتۋرنيرى ءوتتى

پىكىرسايىس جاستاردىڭ وي-ءورىسىن دامىتۋعا، لوگيكالىق ويلاۋدى جانە ءوز ۇستانىمىن ءبىلدىرۋدى ۇيرەتەدى. سونىمەن قاتار كەز-كەلگەن جاعدايدى، پروبلەمانى ءار ءتۇرلى جاعىنان تالداۋعا جانە جاڭا يدەيالاردى قابىلداۋعا يكەمدەيدى.

«Nur Otan» پارتياسىنىڭ پىكىرسايىستان اۋىسپالى كۋبوگى بيىل 19 رەت ءوتتى. شەشەندىك پەن ۇتقىر وي سىنالاتىن سايىسقا ەلىمىزدىڭ بارلىق ايماعىنان 40 كوماندا قاتىستى.  ايتا كەتەيىك، بيىل تۋرنير الماتى قالاسى ءال-فارابي اتىنداعى قازۇۋ-دا ءوتتى.

ءتۋرنيردىڭ نەگىزگى ۇيىمداستىرۋشىسى «Nur Otan» پارتياسى جانىنداعى «Jas Otan» جق. سونىمەن قاتار، ءتۋرنيردىڭ وتۋىنە ءال-فارابي اتىنداعى قازۇۋ جانە «Alpha academy» كومپانياسى قولداۋ كورسەتتى. اتالعان كومپانيا ءار قاتىسۋشىعا سەرتيفيكات تابىستادى.

جاستار اراسىندا پىكىرسايىس ءتۋرنيرى ءوتتى

جاسوتاندىقتار، بەلسەندىلەر، ستۋدەنتتەر جانە دەبات كلۋبتارىنىڭ وكىلدەرى وزەكتى ماسەلەلەردى تالقىلاپ، وزەكتى ماسەلەلەردى شەشۋ بويىنشا ءوز كوزقاراستارىن ۇسىندى.

تۋرنيردە جاستار «الەمنىڭ ونلاين فورماتقا تولىق كوشۋى»،  «بارلىق قازاقستاندىقتاردى مىندەتتى تۇردە ۆاكتسينالاۋ»، «ەل مەكتەپتەرىندە بۋللينگتىڭ الدىن الۋ بويىنشا ءتيىمدى تاسىلدەر ازىرلەۋ» جانە ت.ب. تاقىرىپتار بويىنشا جاۋاپ ىزدەدى.

«Jas Otan» جق جەتەكشىسى نۇرجان جەتپىسباەۆ اتاپ وتكەندەي، پىكىرسايىس جاستاردىڭ الەۋەتىن ىسكە اسىرۋعا، جاڭا كوشباسشىلاردى تاربيەلەۋگە كومەكتەسەدى جانە قوعامنىڭ وزەكتى سۇراقتارىنا جاۋاپ بەرەدى.

«پىكىرسايىس ارقىلى جاستار ءوز كوزقاراسىن جەتكىزەدى. ولاردان بولاشاق ساياساتكەرلەر، مۇمكىن ءتىپتى مەملەكەت باسشىلارى قالىپتاسادى، سوندىقتان ولاردى، جالپى پىكىرسايىس قوزعالىسىن قولداۋ قاجەت.  بىزگە «Jas Otan» جق رەتىندە جاس بەلسەندىلەرىمىزدىڭ ءوزارا پىكىر الماسۋى اسا ماڭىزدى»، — دەپ اتاپ ءوتتى نۇرجان جەتپىسباەۆ.

تۋرنير قورىتىندىسى بويىنشا قازاق ليگاسىندا ءبىرىنشى ورىندى جامبىل وبلىسى يەمدەندى، ەكىنشى ورىن اقتوبە وبلىسىنىڭ دەباتەرلارىنا بۇيىردى، ءۇشىنشى ورىن – تۇركىستان وبلىسىندا.

جاستار اراسىندا پىكىرسايىس ءتۋرنيرى ءوتتى

ورىس ليگاسىندا ءبىرىنشى ورىندى قوستاناي وبلىسىنىڭ  كومانداسى يەلەندى، ەكىنشى ورىنعا سولتۇستىك قازاقستان وبلىسى دەباتەرلەرى يە بولدى، ءۇشىنشى ورىن نۇر-سۇلتان قالاسىندا.

ايتا كەتەيىك، جۇلدەلى ورىندارمەن قاتار ۇزدىك سپيكەرلەر مەن ۇزدىك تورەشى انىقتالدى. ورىس ليگاسىندا – ابۋلگازيموۆ ارسەن، قازاق ليگاسىندا – نۇركەن داۋلەت. ال  ۋكانوۆ اليحان جانە ورازعالي اسەت ءتۋرنيردىڭ ۇزدىك تورەشىلەرى اتاندى.

Back to top button