ءبىلىم جانە عىلىم مينيسترلىگى 175 تەگىن وليمپيادانىڭ ءتىزىمىن بەكىتتى

ءبىلىم جانە عىلىم ءمينيسترى مۇعالىمدەر مەن ءبىلىم الۋشىلارعا ارنالعان 175 تەگىن وليمپيادا مەن كونكۋرستىڭ ءتىزىمىن بەكىتتى. ولار مەكتەپكە دەيىنگى، باستاۋىش، ورتا، تەحنيكالىق جانە كاسىپتىك ءبىلىم بەرۋدىڭ بارلىق دەڭگەيىن قامتيدى، دەپ حابارلايدى Azattyq Rýhy.

ەندى وليمپيادالار مەكتەپتىڭ مارتەبەسىنە بايلانىستى سارالانادى. سەبەبى تىزىمگە اۋىلدىق، سونداي-اق مامانداندىرىلعان جانە جەكەمەنشىك مەكتەپتەر ەنگىزىلگەن. رەسپۋبليكالىق وليمپيادالارعا باستاۋىش (2-4) جانە ورتا (5-6) سىنىپ وقۋشىلارى قاتىسا الادى.

«زياتكەرلىك وليمپيادالاردىڭ ماقساتى – قابىلەتتى دامىتۋ، تەوريالىق ءبىلىم مەن پراكتيكالىق داعدىلاردى تەرەڭدەتۋ، جەكە تۇلعانىڭ ءوزىن-ءوزى جۇزەگە اسىرۋىنا جاردەمدەسۋ، دارىندى بالالاردى انىقتاۋ ءۇشىن جاعداي جاساۋ، ءبىلىم الۋشىلاردى حالىقارالىق وليمپيادالارعا قاتىسۋعا ىرىكتەۋ جانە دايىنداۋ. ايتا كەتۋ كەرەك، ءبىلىم جانە عىلىم مينيسترلىگى وتكىزەتىن بارلىق جارىس، ونىڭ ىشىندە زياتكەرلىك وليمپيادالار دا، شىعارماشىلىق ءارى سپورتتىق جارىستار دا بيۋدجەت قاراجاتى ەسەبىنەن جۇرگىزىلەدى»، – دەپ اتاپ ءوتتى شولپان كارينوۆا.

سونىمەن قاتار تىزىمگە 33 وليمپيادا مەن كونكۋرس ەنگىزىلگەن، ولاردىڭ ناتيجەلەرى پەداگوگتەردى اتتەستاتتاۋ كەزىندە ەسكەرىلەتىن بولادى.

ۇقساس جاڭالىقتار

Back to top button