Қарағанды облысында мотоцикл жеңіл көлікке соғылып, 11 жастағы бала көз жұмды

Жезқазған-Қарағанды тас жолында мотоцикл мен жеңіл көлік соқтығысты. Жол апаты салдарынан мотокциклде отырған 11 жастағы бала көз жұмды, деп хабарлайды ҚазАқпарат.

5 маусымда Жезқазған-Қарағанды тас жолында 14 жасар жасөспірімнің жүргізген «Восход» мотоцикл мен Toyota Camry автокөлігіе соқтығысқан. Жол-көлік оқиғасы салдарынан мотоциклде отырған 11 жастағы бала қайтыс болды. Ал, мотоцикл жүргізушісі әртүрлі дене жарақатымен ауруханаға жеткізілді. Аталған факті бойынша Қылмыстық кодекстің 345-бабы 3-тармағына сәйкес қылмыстық іс қозғалды. Тиісті сараптамалар тағайындалып, тергеу амалдары жүргізіліп жатыр. «Скутер, мопед және мотоцикл қазіргі уақытта кәмелет жасқа толмағандар арасында ерекше қызығушылық тудыратын көлік құралының бірі. Олар аталған көлікті жүргізгенде қауіпті жағдай туралы оайламайды. Кәмелетке толмағандардың қауіпсіздігін ата-аналары да бақылауда ұстамайды. Олар балалардың жасына және көлікті жүргізу тәжірибесіне де мән бермейді. Егер, балаларыңызға заманауи көлік құралын сатып әпергілеріңіз келсе, олардың 16 жасқа толғанын күтіңіз. Сондай-ақ, балалардың қауіпсіздігі мен көлікке мінердегі қажетті жабдықтармен қамтамасыз етіңіздер. Ең бастысы балаларыңыздың жүргізу тәжірибесімен және жүргізуші куәлігінің болуын қамтамасыз ету қажет», – деді Қарағанды облыстық Полиция департаментінің бастығы Ерлан Файзуллин.

Back to top button