تەڭىزدە تۇيىرشىكتەلگەن كۇكىرت ءوندىرۋ زاۋىتى ىسكە قوسىلدى

اتىراۋداعى «تەڭىزشەۆرويل» كومپانياسى جاڭا تۇيىرشىكتەلگەن كۇكىرت ءوندىرۋ زاۋىتىن ىسكە قوستى.

وندا نىساندارداعى وندىرىلەتىن بارلىق سۇيىق كۇكىرتتى وڭدەۋ مۇمكىندىگىن قامتاماسىز ەتەدى، بۇل ەكولوگيالىق قاۋىپسىزدىكتى جاقسارتىپ، وندىرىستىك تاۋەكەلدەردى ازايتادى. ايىنا 40،000 توننا كۇكىرت ءوندىرۋ قۋاتى بار تۇيىرشىكتەلگەن كۇكىرت وندىرەتىن جاڭا زاۋىت باسقا قۇرىلعىلار ىستەن شىققان كەزدە كۇكىرت ءوندىرۋدىڭ قاجەتتى دەڭگەيىن ساقتاۋعا جاعداي تۋعىزادى.
«تشو-نىڭ كۇكىرتتى باسقارۋ جوسپارى اياسىندا جەرگىلىكتى كومپانيانىڭ مۇمكىندىكتەرىن دامىتۋ ماقساتىندا، كوماندامىز كۇكىرتتى وڭدەۋ قۋاتىن كەڭەيتەتىن جوبانى جۇزەگە اسىردى»، – دەدى «تەڭىزشەۆرويل» جشس باس ديرەكتورى كەۆين لايون.

قازاقستان نارىعىنان باسقا تشو تۇيىرشىكتەلگەن كۇكىرتتى افريكا، ەۋروپا، قىتاي جانە باسقا دا نارىقتارىنا ەكسپورتتايدى.

«زاۋىت ءپورتاتيۆتى جانە وڭاي جينالاتىن GXM3 قوندىرعىسىمەن جابدىقتالعان. ءوندىرۋشى الەمدەگى ەڭ جاقسى تەحنولوگيالار مەن رەسۋرستاردى قولدانىپ، ولاردى قازاقستانعا جەتكىزدى»، – دەدى گالياسكار يتيشەۆ، تۇيىرشىكتەلگەن كۇكىرت زاۋىتىنىڭ مەنەدجەرى.

«تەڭىزشەۆرويل» جشس – مۇناي، گاز جانە كۇكىرت وندىرۋمەن جانە وتكىزۋمەن اينالىساتىن قازاقستاندىق كومپانيا. ول – 1993 جىلى قازاقستان رەسپۋبليكاسى مەن «شەۆرون» كومپانياسى اراسىنداعى كەلىسىم نەگىزىندە قۇرىلدى. «تەڭىزشەۆرويل» جشس-ءنىڭ قازىرگى كەزدەگى سەرىكتەستەرى: «شەۆرون» كورپوراتسياسى – 50%، «قازمۇنايگاز» ۇك اق – 20%، «ەكسونموبيل كازاحستان ۆەنچۋرس ينك.» – 25% جانە «لۋكاركو» – 5%. كەلەشەك كەڭەيۋ جوباسى (ككج) مەن ۇڭعىما ەرنەۋىندەگى قىسىمدى باسقارۋ جوباسى (ۇەقبج) –
«تەڭىزشەۆرويل» جشس ءبىر مەزگىلدە جۇزەگە اسىراتىن بىرىكتىرىلگەن ەكى جوبا. ككج-ۇەقبج تەڭىز كەن ورنىنداعى مۇناي ءوندىرۋ كولەمىن ارتتىرۋعا مۇمكىندىك بەرەدى. ككج ءوندىرىس قۋاتتىلىعىن ارتتىرۋعا باعىتتالسا، ۇەقبج ۇڭعىما ەرنەۋىندەگى قىسىمدى ازايتۋ جانە قولدانىستاعى التى كەشەندى تەحنولوگيالىق جەلىدەگى قىسىمدى ارتتىرۋ ارقىلى تەڭىزدەگى زاۋىتتاردىڭ تولىققاندى جۇمىسىن قامتاماسىز ەتەدى.

Back to top button