قۇس تۇماۋى ادامعا جۇعا باستادى

قىتايدا العاش رەت قۇس تۇماۋى ادامعا جۇقتى. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ رەسمي وكىلى تاريك يازارەۆيچ مالىمدەدى.

«ددسۇ تۇماۋدى ەپيدەميالىق قاداعالاۋ جانە الدىن الۋ شارالارى عالامدىق جۇيەسى (GISRS) ارقىلى ۆيرۋستاردى، ونىڭ ىشىندە پاندەمياعا اينالۋ ىقتيمالدىعى بار ۆيرۋستاردى ۇزدىكسىز باقىلايدى جانە قاۋىپ-قاتەرگە باعا بەرەدى. ددسۇ قىتايدىڭ ۇلتتىق ۇكىمەتىمەن جانە GISRS سەرىكتەستەرىمەن بىرلەسە جاعدايدى باقىلاپ وتىر»،  – دەدى تاريك يازارەۆيچ.

ونىڭ ايتۋىنشا، بۇل تومەن پاتوگەندى شتامم ءتىرى قۇس بازارىندا 2002 جىلى تابىلعان، بىراق ادامعا جۇعۋ جاعدايى تىركەلمەگەن ەدى. اۋرۋ جۇقتىرعان چجەنتسزيان قالاسىنىڭ 41 جاستاعى تۇرعىنى 28 ساۋىردە تۇماۋ بەلگىلەرىمەن اۋرۋحاناعا تۇسكەن.

كەيىنىرەك قۇس تۇماۋى ۆيرۋسىنىڭ H10N3 شتاممى انىقتالدى. قازىرگى كەزدە ناۋقاستىڭ جاعدايى بىرقالىپتى. دارىگەرلەر ونىڭ كىممەن بايلانىستا بولعانىن انىقتادى. ازىرگە ولاردا تۇماۋ بەلگىلەرى بايقالعان جوق.

ۇقساس جاڭالىقتار

Back to top button