پرەزيدەنت ازيا چەمپيوناتىندا جەڭىسكە جەتكەن بوكسشى قىزداردى قۇتتىقتادى

مەملەكەت باسشىسى قاسىم-جومارت توقاەۆ دۋبايدا وتكەن بوكستان ازيا چەمپيوناتىندا جۇلدەگەر اتانعان بوكسشى ارۋلارىمىزدى قۇتتىقتادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي ءوزىنىڭ facebook-تەگى پاراقشاسىنا جازدى.

«قۇرلىقتىڭ ەڭ مىقتى سپورتشىلارى جينالعان بايراقتى بايگەدە قازاقستاننىڭ قىزدار قۇراماسى ەل مەرەيىن اسقاقتاتتى. ولار قورجىنىمىزعا 10 جۇلدە، سونىڭ ىشىندە 8 التىن مەدال سالدى. وسى تاريحي جەڭىستەرىڭىزدى تاۋەلسىزدىگىمىزدىڭ 30 جىلدىعىنا جاسالعان تاماشا تارتۋ دەپ سانايمىن»، – دەلىنگەن قۇتتىقتاۋدا.

پرەزيدەنت بوكسشى قىزدارىمىزدىڭ الداعى سايىستاردا دا بيىك تۇعىردان كورىنە بەرەتىنىنە سەنىم ارتىپ، تابىس تىلەدى.

ۇقساس جاڭالىقتار

Back to top button