يليا يلين: ەلىمىزدىڭ ءار قالاسىندا يليا يلين اتىنداعى سپورت سارايلارىن سالۋىم مۇمكىن

وسىدان ءبىر جىل بۇرىن قىزىلوردا قالاسىنداعى «مۇز ايدىنى» سپورت كەشەنىنىڭ ديرەكتورى بولىپ تاعايىندالعان يليا يلين stan.kz-كە سۇحبات بەرىپ، قازىرگى قىزمەتى، الداعى جوسپارلارى تۋرالى اڭگىمە ءوربىتتى.

يليا يلين قازىرگى جۇمىسى وزىنە ۇنايتىنىن، بىراق پاندەميا ءبىراز كەدەرگى كەلتىرگەنىن ايتتى.

ەڭ باستىسى – جۇمىسىم وزىمە ۇنايدى. سپورت كەشەنىنە كەلەتىندەردىڭ باسىم كوپشىلىگى – جاستار. وسكەلەڭ ۇرپاقپەن ارالاسىپ، تىلدەسۋ ادامعا شابىت بەرەتىنىن انىق. مەن «مۇز ايدىنىنا» كەلگەن ۋاقىتتا كارانتين باستالىپ كەتىپ، ءبىراز ۋاقىتقا دەيىن  جۇمىسقا تولىققاندى كىرىسە الماي ءجۇردىم. كۇزدەن باستاپ مۇز توسەلىپ، كەلۋشىلەردى قابىلداپ جاتىرمىز. سپورتتىق سەكتسيالار مەن ۇيىرمەلەر جۇمىسىن باستادى. راسىمەن، بۇل مەن ءۇشىن جاڭا تاجىريبە. ەسەپشىلەرمەن جۇمىس جاساۋدى ۇيرەندىم. قازىر ورتالىقتىڭ ماتەريالدىق-تەحنيكالىق بازاسىن نىعايتۋدى قولعا الىپ جاتىرمىن. ەسكىرگەن كونكيلەردى جاڭارتىپ، جاڭادان قۇرال-جابدىقتار الۋ ءۇشىن ۇسىنىس دايىنداپ جاتىرمىز، – دەيدى ول.

سونىمەن قاتار ول جەكە كاسىپ باستاپ جاتقانىن دا جاسىرمادى.

– قازىر مەملەكەتتىك مەكەمەدەگى جۇمىسىمنان بولەك، جەكە بيزنەستى قولعا الىپ جاتقانىم راس. بۇگىندە سپورت مەكتەبىنىڭ قۇرىلىسى ءجۇرىپ جاتىر. بىراق بۇل ورتالىقتىڭ ناقتى قاي باعىتتا جۇمىس جاسايتىنى ءالى بەلگىسىز. ءتۇرلى جوبالاردى قاراپ جاتىرمىز. بولاشاقتا ەلىمىزدىڭ ءار قالاسىندا يليا يلين اتىنداعى سپورت سارايلارىن سالۋىم دا مۇمكىن. بىراق بۇل ءۇشىن ۇلكەن دايىندىق پەن قاراجات كەرەك، – دەدى يليا يلين.

اۋىر اتلەت دوپينگ داۋىنان كەيىن وليمپيادادا العان بارلىق مەدالىن قايتارىپ بەرۋگە ءماجبۇر بولعانىن، جانە بۇل اۋىر سوققى بوپ تيگەنىن دە ايتتى.

بۇل جاعداي مەن ءۇشىن اۋىر سوققى بولعانىن جاسىرمايمىن. وليمپيادا مەدالدارىن قايتارىپ بەرۋگە ءماجبۇر بولدىم. دەگەنمەن وتانداستارىمنىڭ ماعان دەگەن سەنىمى جوعالعان جوق. قاي جاققا بارسام دا ىستىق ىقىلاستارىن ءبىلدىرىپ، قولداپ جاتادى. سپورتتان اۋىلى الىس، بۇل جاعدايعا تەرەڭدەي الماعان كەيبىر ازاماتتار عانا سىني كوزقاراسپەن قاراپ ءجۇردى. الايدا ەڭ باستىسى – حالىقتىڭ سىيلاستىعى ارتپاسا، كەمىگەن جوق. مەن ءوز ەلىمنىڭ الدىندا دا، ارىمنىڭ الدىندا دا ادالمىن، – دەدى سپورتشى.

 

ۇقساس جاڭالىقتار

Back to top button