Домбырашы жігіттер Golden Time Talent фестивалінде І орынды жеңіп алды

Павлодарлық Темірлан Олжабай және Ернат Наурыз біріккен дуэт Golden Time Talent халықаралық фестивалінде бірінші орынды жеңіп алды, деп хабарлайды Pavlodarnews.kz.

Аталған сайттың мәліметінше, екі кезеңде өткен байқауға 68 елден музыкант қатысқан.

Түрлі санаттағы гранд-финал онлайн форматта өтті. Музыканттар Вивальдидің топтамасынан өңдеп, «Жыл мезгілдері» («Жаз») туындысын ойнады. Видеоны Ұлыбритания мен Қазақстан командасы түсірді, – деп хабарлады облыстық мәдениет, тілдерді дамыту және мұрағат ісі басқармасының бөлім басшысы Исатай Хикметов.

Байқау екі кезеңнен тұрды. Бірінші Қазақстан домбырашылары (дуэт) Құрманғазы Сағырбайұлының және Нұрғиса Тілендиевтің туындыларынан және басқа халық күйлерінен попурри шертеді.

Музыканттар әлеуметтік желілерде қуанышты жаңалықтарын бөлісті.

– Сүйінші! Әлемдік Golden Time Talent байқауында бірінші орын алдық! Өзіміздің британдық және қазақстандық командаларға алғысымызды білдіреміз. Біз тек қазақ данышпандарының ғана емес, әлемге әйгілі композиторлардың да шығармаларын ойнадық, – деп жазды павлодарлық Instagram-да.

Жас әртістер демеуші мен продюсерсіз биік белестерді бағындырып келеді. Темірлан мен Ернат – курстас. Қазақ ұлттық өнер университетінде оқып жүрген кезден бірге өнер көрсете бастаған.

Back to top button