UEFA EURO 2020 ойындары қай телеарналардан көрсетілетіні белгілі болды

UEFA EURO 2020 ойындары қай телеарналардан көрсетілетіні белгілі болды

UEFA EURO 2020 ойындары қай телеарналардан көрсетілетіні белгілі болды
ашық дереккөзі
«Қазақстан» телерадиокорпорациясы футболдан UEFA EURO 2020 матчтарын көрсету құқығын иеленді. 16-шы Еуропа біріншілігі 2021 жылдың 11 маусым  - 11 шілде аралығында өтеді. Қазақстандық жанкүйерлер чемпионаттың барлық ойындарын «Qazaqstan» мен «Qazsport»  арналарынан тікелей эфирде көре алады. Телерадиокорпорация футбол комментаторлары үшін шеберлік сабақтарын өткізіп, 1 ай бойы тікелей эфирде үздіксіз хабар таратуға дайындық үстінде. Телеэфирлерден бөлек, Корпорация сайттарында онлайн көрсетілім жүргізіледі. Әдетте мұндай көрсетілімдер кезінде эфирді онлайн көрушілер саны күрт артады, осыны ескеріп, сайттардың техникалық мүмкіндіктері де күшейтілген жұмыс тәртібіне көшірілуде.  Турнирдің ашылу матчы 11 маусымда Римдегі «Олимпийский» стадионында, ал финалдық кездесу 11 шілдеде Лондондағы «Уэмбли» стадионында өтеді. Чемпионат қарсаңында «Qazaqstan» және «Qazsport» телеарналарынан тікелей эфирде сараптамалық бағдарлама жарыққа шығады. Оған спортшылар мен сарапшылар, футбол жанкүйерлері қатыса алады. 60 жылдық тарихы бар турнир алғаш рет 11 қалада - Амстердам (Нидерланд), Баку (Әзірбайжан), Бухарест (Румыния), Будапешт (Венгрия), Копенгаген (Дания), Глазго (Шотландия), Лондон (Англия), Мюнхен (Германия), Рим (Италия), Санкт-Петербург (Ресей), Севильяда (Испания) бірдей өтпек. UEFA EURO-2020 турнирінің финалдық кезеңіне шыққан 24 құрама 6 топқа бөлінген: A тобы: Түркия, Италия, Уэльс, Швейцария B тобы: Дания, Финляндия, Бельгия, Ресей C тобы: Нидерланд, Украина, Австрия, Солтүстік Македония D тобы: Англия, Хорватия, Шотландия, Чехия E тобы: Испания, Швеция, Польша, Словакия F тобы: Венгрия, Португалия, Франция, Германия 1/8 финалға әр топтан ең мықты екі құрама мен үшінші орын иеленген төрт үздік команда шығады. Турнирдің ашылу матчы 11 маусымда Римдегі «Олимпийский» стадионында, ал финалдық кездесу 11 шілдеде Лондондағы «Уэмбли» стадионында өтеді. Чемпионат қарсаңында «Qazaqstan» және «Qazsport» телеарналарынан тікелей эфирде сараптамалық бағдарлама жарыққа шығады. Оған спортшылар мен сарапшылар, футбол жанкүйерлері қатыса алады. Естеріңізге салсақ, футболдан Еуропа біріншілігі өткен жылы өтуі тиіс болған, алайды пандемияға байланысты бір жылға шегерілген еді.