Жасөспірімді қағып кеткен шенеуніктің ұлы 30 мың теңге айыппұл төлейді

Нұр-Сұлтанда Мемлекеттік кірістер комитеті басқарма басшысының ұлы 16 жастағы жасөспірімді қағып кеткені үшін 10 АЕК (29 170 теңге) көлемінде айыппұл төлеуге міндеттелді, – деп хабарлайды Liter.kz.

Оқиға сәуірде болған. Ер адам жасөспірімді жаяу жүргіншілер өткелінде қағып кеткен.

Жасөспірім жүргізушіні кешірді және одан әрі тергеуден бас тартатынын айтты.

Полицейлердің мәліметінше, жол апаты салдарынан жасөспірім қандай да бір дене жарақатын алмаған. Мұны сараптама растады.

«Дегенмен, жол-көлік оқиғасына кінәлі адам жазасыз қалған жоқ. Жүргізушіге қатысты «жаяу жүргіншілерге немесе жол қозғалысының өзге де қатысушыларына қозғалыс кезінде артықшылық бермеу» бойынша әкімшілік іс қозғалды», – деп хабарлады елордадағы полиция департаменті.

Айта кетейік, ҚР ӘҚБК 600-бабының санкциясы жол-көлік оқиғасына кінәлі адамды 29 170 теңге көлемінде айыппұл төлеуге міндеттейді.

Back to top button