ەلباسى امەريكا قۇراما شتاتتارىنىڭ بۇرىنعى ۆيتسە-پرەزيدەنتى البەرت گورمەن تەلەفون ارقىلى سويلەستى

ەلباسى امەريكا قۇراما شتاتتارىنىڭ بۇرىنعى ۆيتسە-پرەزيدەنتى البەرت گورمەن تەلەفون ارقىلى سويلەستى

ەكى جاق 1994-1999 جىلدارداعى قازاقستان-امەريكا ساياسي جانە ەكونوميكالىق سالالارداعى ەكىجاقتى قاتىناسىن تەرەڭدەتۋ جونىندەگى ن.نازارباەۆ-ا.گور بىرلەسكەن كوميسسياسىنىڭ جەمىستى قىزمەتىن جوعارى باعالادى. 

نۇرسۇلتان نازارباەۆ پەن البەرت گور قازاقستان مەن اقش-تىڭ قورشاعان ورتانى قورعاۋ سالاسىنداعى ءوزارا ءىس-قيمىلدى كەڭەيتۋ جانە جاھاندىق كليماتتىڭ وزگەرۋىنە قارسى كۇرەس سالالارىندا كۇش-جىگەر بىرىكتىرۋ مۇمكىندىكتەرىن تالقىلادى.

ەلباسى مەن اقش-تىڭ بۇرىنعى ۆيتسە-پرەزيدەنتى حالىقارالىق كۇن تارتىبىندەگى وزەكتى تاقىرىپتار توڭىرەگىندە، سونىڭ ىشىندە COVID-19 پاندەمياسىن ەڭسەرۋ، دۇنيە جۇزىندە جانە ورتالىق ازيادا تۇراقتىلىق پەن قاۋىپسىزدىكتى نىعايتۋ ماسەلەلەرى بويىنشا پىكىر الىستى.

سەنىم داعدارىسىنا، سانكتسيالىق تەكەتىرەستەرگە جانە الەمدىك دەرجاۆالار اراسىنداعى باسەكەلەستىكتىڭ جاڭا دەڭگەيىنە بايلانىستى الاڭداۋشىلىق ءبىلدىردى.

وسى ورايدا قازاقستان رەسپۋبليكاسىنىڭ تۇڭعىش پرەزيدەنتى پلانەتاداعى وزەكتى ماسەلەلەرگە قاتىستى رەسەي، اقش، قىتاي جانە ەۋروپالىق وداق اراسىندا اۋقىمدى ستراتەگيالىق ديالوگ باستاۋ جونىندەگى ءوزىنىڭ باستاماسىنا نازار اۋداردى.

تەلەفون ارقىلى سويلەسۋگە امەريكا تاراپى باستاماشى بولدى.

ۇقساس جاڭالىقتار

Back to top button