"Егер ерлі-зайыптының біреуі ғана жұмыс істесе және отбасында үш бала болса, онда әрқайсына 46 мың теңгеден келеді, бұл - өте аз. Азық-түлік, киім, дәрі-дәрмек, ойыншықтар, кітаптар қанша тұратынын білеміз, сонымен қатар әр отбасында бірдей пәтердің коммуналдық қызметтері немесе несие төлеу сияқты басқа да көптеген шығындары бар. Ал балаларға бірге білім алу керек, даму керек. Және де мынаны түсіну керек: егер біз балалар алдындағы борышымыз тек олардың аман-есен, тойып тамақтануы үшін жағдай жасау деп есептеу дұрыс емес. Жәрдемақыны өсіру керек", - деді депутат.Сондай-ақ, Айжан Сқақова аз қамтылған отбасылар үшін тұрғын үй қолжетімді емес екеніне назар аударды. Оның айтуынша, Алматыда тұрғын үй алу кезегінде 26 мыңнан аса отбасы тұр. Тұрғын үйді күтудің ең аз мерзімі 10 жылдан асады. Ол қолда бар мемлекеттік бағдарламалар жеткіліксіз деп санайды. Парламент мүшесі Қазақстанның Халық партиясы сайлауалды бағдарламасында әрбір отбасы үшін 20 сотық жер беру керек деп мәлімдегенін айтты. Оның пікірінше, мұны бірінші кезекте ауылдық жерлерде көпбалалы, толық емес, аз қамтылған, сондай-ақ, мүгедек балалары бар отбасыларға беру керек.
"ҚХП фракциясының депутаттары жәрдемақылар мен төлемдердің барлық түрін қысқартуды және 18 жасқа дейінгі әрбір балаға бір әмбебап жәрдемақы енгізуді ұсынып отыр, ол Қазақстанда туу және азаматтығы құқығы бойынша барлық балаға орташа жалақы сомасында тағайындалады. Жәрдемақы баланың қажеттіліктерін біздің партия әзірлеген балалар тұтыну қоржынына және бала күтімі кезеңіндегі ананың қажеттіліктеріне сәйкес жабуы керек", - деді Сқакова Мәжіліс отырысында.