300 مىڭعا جۋىق ادام بىرجولعى زەينەتاقى تولەمىن الدى

287 مىڭنان اسا قازاقستان ازاماتى بىرجولعى زەينەتاقى تولەمىن الۋ قۇقىعىن پايدالاندى. بۇل تۋرالى قازاقپارات بجزق سىلتەمە جاساپ حابارلايدى.

2021 جىلعى 20 مامىرداعى جاعداي بويىنشا بجزق سالىمشىلاردىڭ (الۋشىلاردىڭ) زەينەتاقى جيناقتارىن تۇرعىن ءۇي جاعدايلارىن جاقسارتۋ ءۇشىن پايدالانۋعا بەرگەن 280 709 ءوتىنىشىن ورىندادى. ۋاكىلەتتى وپەراتور – بانكتەردە اشىلعان قازاقستاندىقتاردىڭ ارنايى شوتتارىنا بجزق 1،3 ترلن تەڭگەدەن استام قارجى اۋداردى. بىرجولعى زەينەتاقى تولەمدەرىنىڭ ورتاشا سوماسى 4،7 ملن تەڭگەدەن اسا سومانى قۇرادى. ورىندالعان وتىنىشتەردىڭ ەڭ كوبى ماڭعىستاۋ وبلىسىنىڭ (16،9%)، الماتى قالاسىنىڭ (16،5%)، نۇر-سۇلتان قالاسىنىڭ (13،1%) تۇرعىندارى تاراپىنان جولدانعان. www.enpf.kz سايتىنداعى «كورسەتكىشتەر» بولىمىندە سالىمشىلاردىڭ بىرجولعى زەينەتاقى تولەمدەرىن قانداي ماقساتتارعا پايدالانۋدى جوسپارلايتىنى تۋرالى ەگجەي-تەگجەيلى اقپارات ورنالاستىرىلعان. مۇنداي اقپارات وڭىرلەر بولىنىسىندە دە بەرىلگەن.

قازىرگى ۋاقىتتا زەينەتاقى جيناقتارىنىڭ ءبىر بولىگىن پايدالانۋعا وتىنىشتەردى قابىلدايتىن ۋاكىلەتتى وپەراتورلار «وتباسى بانكى» تۇرعىن ءۇي قۇرىلىس جيناق بانكى» اق، «قازاقستان حالىق بانكى» اق، «Altyn Bank» اق، «بانك تسەنتركرەديت» اق بولىپ تابىلادى. ايتا كەتەيىك، ۋاكىلەتتى وپەراتورلاردان سالىمشىلاردىڭ (الۋشىلاردىڭ) جەكە زەينەتاقى شوتتارىنا (جزش) ءوتىنىش بەرۋشىنىڭ ءوتىنىشى جانە وزگە دە سەبەپتەر بويىنشا 132،5 ملرد تەڭگەدەن استام سوما قايتارىلدى، سەبەبى، قازاقستاندىقتار بىرجولعى زەينەتاقى تولەمدەرىن بەلگىلەنگەن مەرزىمدە پايدالانباعان.

بۇعان قوسا، بجزق-عا ەمدەلۋگە بارلىعى 8152 ءوتىنىش كەلىپ ءتۇستى، ونىڭ ىشىندە 5،1 ملرد تەڭگەگە جۋىق سوماعا 5295 ءوتىنىش ورىندالدى، ورتاشا سوماسى شامامەن 1 ملن تەڭگەنى قۇرايدى. سونىمەن قاتار، سالىمشىلاردىڭ (الۋشىلاردىڭ) بجزق-داعى جزش-نا ۋاكىلەتتى وپەراتوردان («وتباسى بانكى» تۇرعىن ءۇي قۇرىلىس جيناق بانكى» اق) 1،2 ملرد تەڭگە قايتارىلدى، بۇل قاراجات ءوتىنىش بەرۋشىنىڭ ءوتىنىشى جانە وزگە دە سەبەپتەر بويىنشا بەلگىلەنگەن مەرزىمدە پايدالانىلماعان. زەينەتاقى جيناقتارىن ەمدەلۋگە پايدالانۋ جونىندەگى وزەكتى ستاتيستيكامەن www.enpf.kz سايتىنداعى سالىمشى سۇراتقان زەينەتاقى جيناقتارىنىڭ سوماسى بجزق-دان ۋاكىلەتتى وپەراتورداعى ارنايى شوتقا اۋدارىلعاننان كەيىن بۇل قاراجاتتىڭ ينۆەستيتسيالىق باسقارۋدان الىناتىنىنا، دەمەك، وعان ينۆەستيتسيالىق تابىستىڭ ەسەپتەلمەيتىنىنە نازار اۋدارعىمىز كەلەدى.

بۇدان باسقا، ارنايى شوتقا اۋدارىلعان زەينەتاقى جيناقتارىنا ينفلياتسيا دەڭگەيىن ەسكەرە وتىرىپ، ولاردىڭ ساقتالۋى بويىنشا مەملەكەتتىڭ زاڭدا كوزدەلگەن كەپىلدىگى قولدانىلمايدى. سونداي-اق، بجزق-دان تولەنەتىن بىرجولعى زەينەتاقى تولەمدەرىنىڭ سومالارىنان سالىمشى تاڭداعان جانە ونىڭ وتىنىشىندە كورسەتىلگەن تاسىلگە سايكەس جەكە تابىس سالىعىن (جتس) ەسەپتەۋ جانە ۇستاپ قالۋ جۇرگىزىلەدى. وسىعان وراي، بجزق-عا قاراجاتتى قايتارۋ، ينۆەستيتسيالىق تابىس پەن مەملەكەت كەپىلدىگىن جوعالتۋ، سونداي-اق، جتس-تى مەرزىمىنەن بۇرىن ەسەپتەۋ جاعدايلارىن بولدىرماۋ ءۇشىن سالىمشىلارعا بىرجولعى زەينەتاقى تولەمدەرىن پايدالانۋدى جاۋاپكەرشىلىكپەن ءارى مۇقيات جوسپارلاۋدى ۇسىنامىز. زەينەتاقى جيناقتارىنىڭ ماقساتتى پايدالانىلۋىن راستاۋ ءۇشىن قاجەتتى قۇجاتتاردىڭ ءتىزىمىن ءوتىنىم بەرگەنگە دەيىن مۇقيات زەردەلەپ، ولاردى ۋاكىلەتتى وپەراتورعا ۋاقىتىلى ۇسىنۋدى قامتاماسىز ەتكەن ءجون.

ينۆەستيتسيالىق پورتفەلدى باسقارۋشىلارعا اعىمداعى جىلدىڭ 20 مامىرىنداعى جاعداي بويىنشا 3،2 ملرد تەڭگەگە جۋىق قارجى اۋدارىلدى. بجزق كەلىپ تۇسكەن 2030 ءوتىنىشتىڭ 1415-ءىن ورىندادى. اۋدارىمنىڭ ورتاشا سوماسى شامامەن 2،3 ملن تەڭگە. زەينەتاقى جيناقتارىن سەنىمگەرلىك باسقارۋعا بەرۋ بويىنشا ەگجەي-تەگجەيلى ستاتيستيكا دا enpf.kz سايتىنداعى بجزق-دان زەينەتاقى اكتيۆتەرىن العاننان كەيىن يپب ولاردى قر ۇلتتىق بانكى باسقارماسىنىڭ 2014 جىلعى 3 اقپانداعى №10 قاۋلىسىمەن بەكىتىلگەن ينۆەستيتسيالىق پورتفەلدى باسقارۋ جونىندەگى قىزمەتتى جۇزەگە اسىرۋ قاعيدالارىندا كورسەتىلگەن جانە يپب ينۆەستيتسيالىق دەكلاراتسياسىندا كوزدەلگەن رۇقسات ەتىلگەن قارجى قۇرالدارىنا ينۆەستيتسيالايدى. زەينەتاقىمەن قامسىزداندىرۋ تۋرالى زاڭعا سايكەس، يپب ينۆەستيتسيالىق باسقارۋدى جۇزەگە اسىرعانى ءۇشىن كوميسسيالىق سىياقى الۋعا قۇقىلى. يپب سىياقىسىنىڭ شەكتى شاماسى الىنعان ينۆەستيتسيالىق تابىستىڭ 7،5%-نان اسپاۋى ءتيىس. كوميسسيالىق سىياقىنىڭ ناقتى شاماسىن جىل سايىن يپب-نىڭ باسقارۋشى ورگانى بەكىتەدى جانە ول جىلىنا ءبىر رەت قانا وزگەرۋى مۇمكىن. سالىمشى زەينەتكەرلىك جاسقا تولعانعا دەيىن ۇلتتىق بانكتىڭ باسقارۋىندا بولاتىن زەينەتاقى جيناقتارىنا ينفلياتسيا دەڭگەيى ەسكەرىلىپ وتىراتىن ساقتالۋ كەپىلدىگى قولدانىلادى. زەينەتاقى جيناقتارى يپب-نىڭ باسقارۋىنا اۋدارىلعان جاعدايدا، مەملەكەتتىك كەپىلدىك باسقارۋشى كومپانيانىڭ زەينەتاقى اكتيۆتەرىنىڭ ەڭ تومەنگى كىرىستىلىك دەڭگەيىن قامتاماسىز ەتەتىن كەپىلدىگىمەن الماستىرىلادى. كىرىستىلىكتىڭ ەڭ تومەنگى دەڭگەيى نارىقتا ارەكەت ەتەتىن يپب-نىڭ باسقارۋىنا بەرىلگەن زەينەتاقى اكتيۆتەرىنىڭ ورتاشا الىنعان كىرىستىلىگىن نەگىزگە الا وتىرىپ ەسەپتەلىنەدى.

ۇقساس جاڭالىقتار

Back to top button