Мырзатай ЖОЛДАСБЕКОВ: Ұлттық рухты оятқан университет
Мырзатай ЖОЛДАСБЕКОВ: Ұлттық рухты оятқан университет
Ұлы даланың азаттығы жолында небір қилы кезеңдер, қым-қуыт тағдырлар өтті. Сұрапыл шайқас пен жойқын күш, мылтықсыз майданды бастан өткердік. Тәуелсіздік – ойда жоқта келе салған олжа емес, ол ата-бабамыздың төгілген қаны, жанкешті ерлігі. Сол арманға қол жеткізгелі де 30 жыл өте шығыпты. Тәуелсіздік алу, оны сақтау қиынның қиыны. Сол қиын сәттерде жауапты қызметте болдық. Тұңғыш Президент сенім артқан соң, бірнеше жауапты міндетті атқардық.