"جەر قايتارىلسىن!" قىزىلوردا وبلىسىندا ديقاندار نارازىلىققا شىقتى

قىزىلوردا وبلىسى مىرزاباي احۋن اۋىلىنىڭ ديقاندارى وبلىس اكىمى گۇلشارا ابدىحالىقوۆاعا ارىز-شاعىمدارىن جەتكىزۋگە كەلدى. اۋىل تۇرعىندارى ءبىر جىلدان بەرى ۇكىمەتتەن 49 جىلعا جالعا بەرىلگەن جەرلەرىن قۇرىلتايشىلاردان قايتارا الماي وتىر ەكەن. اۋدان توڭىرەگىندە ماسەلە شەشىلمەگەن سوڭ وبلىس ورتالىعىنا كەلۋدەن باسقا امال قالمادى دەيدى ديقاندار.

بۇل تۋرالى zakon.kz «ەۋرازيا» ارناسىنا سىلتەمە جاساپ حابارلادى.

قىزىلوردا وبلىسى جالاعاش اۋدانىنا مىرزاباي احۋن اۋىلىنىڭ ديقاندارى 9 ايدان بەرى وزدەرىنە تيەسىلى ەگىستىك جەرلەرىن قايتارا الماي ءجۇر. اۋىلدا ەگىن ەگۋگە ارنالعان 169 گەكتار جەردى 67 قۇرىلتايشى ءبولىپ الىپ، كۇرىش ەگەدى ەكەن. اۋىل تۇرعىندارى جەردەن ەش پايدا كورمەي وتىرعاندارىن ايتادى. تەك ەگىن ورىلىپ، جينالعان سوڭ ادام باسىنا 7 كەلى كۇرىش بەرىلەدى ەكەن.

جانايقايلارىن ايتۋعا كەلگەن شارۋالار كارانتين تالاپتارىنا بايلانىستى ىشكە كىرە المادى. ال وبلىستىق جەر قاتىناستارى باسقارماسىنىڭ باسشىسى بۇل ماسەلەنى تەك سوت شەشەدى دەپ وتىر.

ۇقساس جاڭالىقتار

Back to top button